ކުރީގެ ބަންޑާރަނައިބު އަދި ޤާނޫނީ ވަކީލް ހުސްނުއް ސުއޫދު ތާއީދުކުރައްވާ ވެރިކަމެއްގެ ފުރަތަމަ 90 ދުވަހުގެ ތެރޭގައި ޓެރަރިޒަމްގެ ޤާނޫނު އުވާލެވޭނެ ކަމަށް އޭނާ ވިދާޅުވެއްޖެއެވެ.
ޤާނޫނުލް އުޤޫބާތު ފުދޭކަން ފާހަގަކުރައްވަމުން ސުއޫދު ކުރެއްވި ޓްވީޓެއްގައި ވިދާޅުވީ ޓެރަރިޒަމްގެ ޤާނޫނުގެ ބޭނުން ހިފަނީ ހަމައެކަނި ސިޔާސީ ހަތިޔާރެއްގެ ގޮތުގައި ކަމަށެވެ. އަދި އެއީ ހަޤީގީ ޓެރަރިޒަމްގެ ޢަމަލްތަކެއް ނޫން ކަމަށް ވެސް ސުއޫދު ވިދާޅުވިއެވެ.
Aharemen edhey verikamegge furatham 90 dhuvahuge thereygai Terrorism ge gaanoonu uvaaleveyne. E qaanoonuge beynun hifanee hamaekani siyaasee hathiyaaregge gothuga. Haqeegee terrorism ge amalu thakakah noon. Qaanoonul-uqoobaathu fudhey.
— Husnu Al Suood (@hsuood) June 11, 2018
ސުއޫދު ކުރެއްވި އެހެން ޓްވީޓެއްގައި ވިދާޅުވެފައި ވަނީ "އަހަރެމެން އެދޭ ވެރިކަމެއްގެ ފުރަތަމަ ދުވަހު ޓެރަރިޒަމް ޤާނޫނުގެ ދަށުން ދައުވާކުރުން ހުއްޓާލައި ނުހައްގުން ޖަލަށް ލާފައި ތިބި އެންމެންގެ ކުށް މައާފްކޮށް ދޫކޮށްލެވޭނެ" ކަމަށެވެ.
ޤާނޫނުގެ ބޭނުން ކުރަނީ ސިޔާސީ ހަތިޔާރަކަށް ކަމަށާއި ޤާނޫނުލް އުޤޫބާތު އޮތުމުން ޓެރަރިޒަމް ޤާނޫނުގެ ބޭނުމެއް ނެތް ކަމަށް އެޓްވީޓްގައި ވެސް ސުއޫދު ވިދާޅުވެފައި ވެއެވެ.
Aharemen edhey verikamegge furathama dhuvahu terrorism qaanoonuge dhashun dhauvaa kurun huttaalai, nuhaggun jalah laafai thibi enmen kuh maafukoh dhookolleveyne. E qaanoonu beynun kuranee siyaasee hathiyaarakah. Qaanoonul-uqoobaathu othumunTerrorism ge qaanoonuge beynumeh neiy.
— Husnu Al Suood (@hsuood) June 11, 2018
ސުއޫދު މިގޮތަށް ޓްވީޓް ކުރައްވާފައިވާއިރު ސަރުކާރާ އިދިކޮޅު ޕާޓީތަކުގެ ލީޑަރުންނަށް ވަނީ ޓެރަރިޒަމްގެ ކުށް ސާބިތުވެ ހުކުމް ކޮށްފައެވެ. އަދި އެތައް ބައިވަރު ސިޔާސީ ބަޔަކަށް ވަނީ ޓެރަރިޒަމްގެ ދައުވާ އުފުލާފައެވެ.