ރައީސް އަބްދުﷲ ޔާމީންގެ ސަރުކާރުން ލޯކަލް ގަވަރމެންޓް އޮތޯރިޓީ (އެލްޖީއޭ) ބޭނުންކުރަނީ އަނިޔާވެރިކަމުގެ ހަތިޔާރެއްގެ ގޮތުގައި ކަމަށް ގަމު ދާއިރާގެ ރައްޔިތުންގެ މަޖިލީހުގެ މެމްބަރު ފައްޔާޒު އިސްމާއިލް ވިދާޅުވިއެވެ.
ހޯމަ ދުވަހު ފައްޔާޒު ކުރެއްވި ޓްވީޓެއްގައި ވިދާޅުވީ އެލްޖީއޭ އިން އަމަލުކުރަމުންދާ ގޮތުން، ރަށްތަކުގެ ކައުންސިލަރުންނާއި ރަށްތަކަށް ގެއްލުން ލިބޭ ކަމަށެވެ. ސަރުކާރުގެ އަނިޔާވެރި ހަތިޔާރެއްގެ ގޮތުގައި އެލްޖީއޭ ބޭނުންކުރާ މައްސަލާގައި ކައުންސިލަރުންނާއި ރަށްތަކަށް ލިބޭ ގެއްލުމުގު ބަދަލު އެލްޖީއޭގެ ބޯޑު މެންބަރުންނާއި، ސީނިއަރު ސްޓާފުން ފަރުދީ ގޮތުން ޒިންމާ ނަގުވަން ޖެހޭ ކަމަށް ފައްޔާޒު ވިދާޅުވިއެވެ.
QA aai PPM in amihlayah Gadubadukuri Laamarukazee Qanoon aaives hilaafah @lgaMaldives sarukaaruge aniyaaverikamuge hathiyaarehge gothugaa beynunkuraa mahsalaaga Councilarun adhi rahthakah libey gehlumuge badhalu board membarun/senior stafun farudheegothun zinmaa naguvanjehey.
— Fayyaz Ismail (@faya_i) June 10, 2018
ފައްޔާޒު މިހެން ވިދާޅުވިއިރު، މިދިޔަ މަހުގެ 30 ގައި ބޭއްވި އެމްޑީޕީގެ ޕްރައިމަރީގައި އިސްކޮށް އުޅުނު އއ. އުކުޅަހުގެ ދެ ކައުންސިލަރެއްގެ މައްސަލަ އެލްޖީއޭ އިން ވަނީ ބަލަން ފަށައިފިއެވެ. މި މައްސަލަ ކުއްލި ގޮތަކަށް ބަލަން ފެށީ، އެމްޑީޕީގެ ކޮންގްރެސް މި މަހުގެ 29 އަދި 30 ގައި އއ. އުކުޅަހުގައި ބާއްވާ ނިންމުމާ އެކުގައެވެ.
