ހޮވަންވީ ދައުރުގެ މެދުތެރެއިން އިންތިހާބެއް ގެނެސްދޭ "އިންތިޤާލީ ރައީސެއް" ކަމަށް ކުރީގެ ބަންޑާރަ ނައިބް ދިޔާނާ ސައީދު ވިދާޅުވެއްޖެ އެވެ.
ގުޅިފައިވާ ޕާޓީތަކުން ނެރޭނެ ކެނޑިޑޭޓެއްގެ ބަހުސް ހޫނުވެފައިވާއިރު ދިޔާނާ ވިދާޅުވީ ރައީސް މުހައްމަދު ނަޝީދާއި، ޤާސިް އިބްރާހހިމް އަދި ޝެއިހް އިމްރާން އަބްދުﷲގެ މައްޗަށް ޤައިރު ޤާނޫނީގޮތުން ހުރަސްތައްކުރިމަތިކޮށްފައިވާހާލު، ފަސް އަހަރުގެ މުއްދަތަށް ރައީސެއް ހޮވުމަކީ އިންސާފެއް ނޫން ކަމަށެވެ. އަދި އެއީ މިނިވަން އިންސާފުވެރި އިންތިހާބަކަށް ނުވާނެކަމަށް ދިޔާނާ ވިދާޅުވިި އެވެ.
އެހެންކަމުން ދިޔާނާ ހުށައެޅުއްވީ ދައުރުގެ މެދުތެރެއިން އިންތިހާބެއް ގެނެސްދޭ "އިންތިޤާލީ ރައީސެއް" އިންތިހާބްކުރުމަށެވެ.
RN aai Hon.Qasim aai Sh. Imran ge macchah ghairu qaanoonee gothun huras kurimathikohfavaa haalu, 5 aharuge muddhathah raeeseh hovumakee insaafeh noon. Eyee free & fair inthikhaabakah nuvaane.
— Dhiyana (@dhiyanasaid) June 10, 2018
Furathama hovanvee dhauruge therein inthikhaabeh genesdhevvaaney 'inthiqaalee' raeeseh
ދިޔާނާ އެފަދައިން ވިދާޅުވެފައިވާއިރު، ކުރީގެ ރައީސް މުހައްމަދު ނަޝީދަށް އިންތިހާބުގައި ވަދަކުރެއްވުމުގެ ފުރުސަތު ނުދޭނެކަމަށް އިލެކްޝަންސް ކޮމިޝަނުން ވަނީ ބުނެފަ އެވެ. ނަމަވެސް ރައީސް ނަޝީދުގެ ކެނޑިޑަސީ ސައްހަ ނޫންކަމަށް ސުޕްރީމް ކޯޓުން މިހާތަނަށް ކަނޑައަޅާފައެއް ނުވެ އެވެ. ޤާނޫނު އަސާސީގައި ބުނެފައިވަނީ ރައީސަކަމަށް ކުރިމަތިލާ ކެނޑިޑޭޓެއްގެ ކެނޑިޑަސީ އާއިމެދު ސުވާލެއް އުފެދިއްޖެނަމަ އެކަމާއިމެދު ގޮތެއް ނިންމަންޖެހޭނީ ސުޕްރީމް ކޯޓުގެ ފަސް ފަނޑިޔާރުންގެ އަޤުލަބިއްޔަތުން ކަމަށެވެ.
އިދިކޮޅުން ކެނޑިޑޭޓެއްގެ ގޮތުގައި ދައްކަފާނެކަމަށް ބެލެވޭ ހުރިހާ ފަރާތްތަކުގެ މައްޗަށް ހުކުމްތައް އިއްވުމަށް ސަރުކާރުން ގެންދަނީ މަސައްކަތްކުރަމުންނެވެ. އެއާއެކު އެއް ކެނޑިޑޭޓަކު ނެރުމުގެ ބަހުސް ހޫނނުވެފައިވާއިރު، ޤާސިމް އިބްރާހިމް ހުންނެވީ އެމްޑީޕީއަށް ދޫދިނުމަށް ތައްޔާރަށް ނޫންކަމަށް އޭނާ ނެރުއްވި ބަޔާނުން ވަނީ ހާމަވެގެންގޮސްފަ އެވެ.