މަސްވެރިކަން ދަށްވެ، މަހުގެ އަގު ބޮޑުވެއްޖެ އެވެ.

ރޯދައިގެ ކުރިން ކިލޯއެއްގެ އަގު 25 ރުފިޔާއަށް ހުރި މަހުގެ އަގު، މިހާރު ހުރީ 50 ރުފިޔާ އަށެވެ. 

ބައެއް މަސްވެރިން ބުނި ގޮތުގައި މަހުގެ އަގު އުފުލިގެން ގޮސްފައިވަނީ ރޯދަ މަހާއެކު، ބައެއް މަސްވެރިން ޗުއްޓީއަށް ރަށަށް ދިއުމާއި، މޫސުމް ގޯސްވުމުގެ ސަބަބުން މަސްވެރިކަން ދަށްވެގެން ދިއުމުންނެވެ. 

"މަހުގެ އަގު ދަށްވާނެ ކަމަށް ނުބެލެވޭ،" މަސްވެރިޔަކު ހޯމަ ދުވަހު ބުންޏެވެ. 

ނަމަވެސް މިދިޔަ ހަފުތާގައި ރާއްޖެއެމްވީއާ ވާހަކަ ދެއްކި މަސްވެރިޔަކު ބުނީ، ރޯދަ މަހުގެ ފަހު 15 އަށް އެޅުމުން މަހުގެ އަގު ދަށަށް ދާނެ ކަމަށް ބެލެވޭ ކަމަށެވެ. 

ކަނޑުމަހުގެ އަގު އުފުލިފައިވާއިރު، ފަރުމަހުގެ ބާވަތްތަކުގެ އަގު ވެސް ވަނީ އުފުލިފަ އެވެ.