މޯލްޑިވްސް ބިޒްނަސް ރިވިއު (އެމްބީއާރް) އާއި މޯލްޑިވްސް ނެޝަނަލް ޗެމްބަރ އޮފް ކޮމާސް އެންޑް އިންޑަސްޓްރީސް (އެމްއެންސީސީއައި) އާއި ދެމެދު އޭޕްރިލް 12 ވަނަ ދުވަހު އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމުގައި އެމް.ބީ.އާރްގެ ފަރާތުން ސޮއިކޮށްފައިވަނީ އެ ކުންފުނީގެ އެޑިޓަރ އިން ޗީފް އަހްމަދު އަސްބާބްއެވެ. އަދި އެމް.އެން.ސީ.ސީ.އައިގެ ފަރާތުން ސޮއިކޮށްފައިވަނީ ހަޒާންދާރު މިސްރު އާދަމްއެވެ.
އެމްބީއާރް އިން ބުނީ މި އެއްބަސްވުމުގެ މައިގަނޑު މަގްސަދަކީ އެމް.އެން.ސީ.ސީ.އައި އިން ލިބެން ހުރި ދިވެހިރާއްޖޭގެ އިގްތިސާދާއި ގުޅުންހުރި މައުލޫމާތު ތަކާއި ތަފާސް ހިސާބުތަށް އެމް.ބީ.އާރް އަށް ފޯރުކޮށްދިނުން ކަމަށެވެ.
އެމްބީއާރް އަކީ ދިވެހިރާއްޖޭގެ އިޤްތިސާދާއި ގުޅުންހުރި ހުރިހާ ދާއިރާއެއްގެ މައުލޫމާތާއި ތަފާސް ހިސާބު، އިޤްތިސާދާއި ގުޅުންހުރި ހުރިހާ ފަރާތްތަކަށް ފޯރުކޮށްދޭ މަޖައްލާއެކެވެ.
އެމް.ބީ.އާރް އަކީ ބްލޭޒަން އިންކުން ނެރޭ ވިޔަފާރި މަޖައްލާއެކެވެ. މި މަޖައްލާ އަކީ ގަވާއިދުން އަޕްޑޭޓް ކުރެވޭ ވެބްސައިޓްއެއްގެ އިތުރުން އަހަރަކު 2 ފަހަރު ޗާޕުކުރެވޭ މަޖައްލާއެކެވެ.
ބްލޭޒަން އިންކްއަކީ، މާކެޓިންގ، ފަބްލިކް ރިލޭޝަންސް އަދި ވިޔަފާރި ހިންގުމަށް ބޭނުންވާ ހުރިހާ ހިދުމަތެއް ފޯރުކޮށްދޭ ކުންފުންޏެކެވެ.
