ސުޕްރީމް ކޯޓްގެ އަމުރުގެ އިނގިރޭސި ތަރުޖަމާއެއް އެ ކޯޓުން ނެރެފި އެވެ.
ރައްޔިތުންގެ މަޖިލީހުގެ 12 މެމްބަރުންގެ ގޮނޑި ނުގެއްލޭ ކަމަށާއި ރައީސް މުހައްމަދު ނަޝީދާއި ސިޔާސީ އެހެން ހައްޔަރީން މިނިވަންކުރަންޖެހޭނެ ކަމަށް ކަނޑައަޅައި ނެރުނު އަމުރު ތަންފީޒުކުރުން ސަރުކާރުން ދިގު ދައްމަމުން ދަނިކޮށެވެ.
އި އަމުރުގެ އިނގިރޭސި ތަރުޖަމާއެއް ނެރުނީ ފުރަތަމަ އަމުރު ނެރުނުތާ ގާތްގަނޑަކަށް 11 ގަޑިއިރު ފަހުން، މިއަދު ހެނދުނު 8:30 ހާއިރު އެވެ.
ކޯޓް އަމުރުން ތަންފީޒުކުރުން ލަސްކުރާތީ ގިނަ ބަޔަކު އަންނަނީ ފާޑުކިޔަމުންނެވެ.