ފުލުހުންގެ އެދުމުގެ މަތިން ވަރަށް އަވަހަށް މާލެއަށް ވަޑައިގެން ފުލުހުންނަށް ޖަވާބުދާރީވެވަޑައިގަންނަވާނެ ކަމަށް މެންބަރު އިލްހާމް އަހްމަދު ވިދާޅުވެއްޖެ އެވެ.
ދަނގެތި ދާއިރާގެ މެންބަރު އިލްހާމް އަހުމަދު ހޯދުމަށް ފުލުހުންގެ އިދާރާއިން ކުރި އިއުލާނާއި ގުޅިގެން، އިލްހާމް ކުރައްވާފައިވާ ޓްވީޓްގައި ބުނެފައިވަނީ، ބޭރުގައި އުޅޭކަން އެނގި ހުރެ، ބައްދަލު ކުރުމަށް ބޭނުންވާ ކަމަށް ބުނެ ދެ ފުލުހަކު ބުދަ ދުވަހު އިރުއޮއްސުނު ވަގުތު އިލްހާމް މާލޭގައި ދިރިއުޅޭ ގެއަށް ގޮސްފައިވާ ކަމަށެވެ. ގެއަށް ދިޔަ ދެ ފުލުހުން އިލްހާމްގެ އަންހެނުންނާ ވެސް ބައްދަލު ކުރުމަށް މަސައްކަތް ކުރި ކަމަށް އިލްހާމް ވަނީ ހާމަކުރައްވާފަ އެވެ. އެހެން ނަމަވެސް އަންހެނުން ގޭގައި ނޫޅުއްވާތީ ބައްދަލު ނުވި ކަމަށް އިލްހާމް ވިދާޅުވި އެވެ. އަދި އެވަގުތު ގޭގައި ހުރި އިލްހާމްގެ ކޮއްކޮގެ މައުލޫމާތު ފުލުހުން ނެގި ކަމަށް ވެސް އިލްހާމް ވިދާޅުވި އެވެ.
Alhugandu ulhenee Rajjein beyrugakan en’githibe alhugan’da ba’dhalu kurumah kamah bune 2 fuluhaku vanee mirey 6:13 alhuganduge aailaa Male’ ga dhiriulhey geyah vadhegenfa. Rajjeyga noolhey kamah bunumun, alhugandu ge anhenunna ba’dhalu kurumah masakkaiy kurinamaves geyga(1/2)
— MP lIham ahmed (@MP_ilhamahmed) January 31, 2018
އިލްހާމް ވަނީ ވަރަށް އަވަހަށް ފުލުހުން އެވިދާޅުވާ ގޮތަށް ފުލުހުން ކުރަން ބޭނުންވާ ސުވާލުތަކަށް ޖަވާބު ދެއްވުމަށް ރާއްޖެއަށް ވަޑައިގަންނަވާނެ ކަމަށާއި ސިޔާސީ ބޭނުންތަކަށްޓަކާއި އާއިލާއަށް ބިރު ދެއްކުން ހުއްޓާލުމަށް ގޮވާލައިފަ އެވެ.
noolheythee ba’dhalu kurevey gotheh nuvumun fahun annaane kamah bune,gein vahaka dhekki Kokko ge mauloomath note kohgen gossi.I will soon be in Maldives to answer any MPS enquiry.But I urge MPS to stop the intimidation and harassment on my family for political purposes.(2/2)
— MP lIham ahmed (@MP_ilhamahmed) January 31, 2018
ފުލުހުން ކުރި އިއުލާނުގައި ބުނެފައިވަނީ ރައްޔިތުންގެ މަޖިލީހުގެ ބައެއް މެމްބަރުންނަށް ރިޝްވަތު ދިނުމުގެ ތުހުމަތުގައި އަހުމަދު ފާރިސް މައުމޫންގެ މައްޗަށް ތުހުމަތުކުރެވޭ މައްސަލައާ ގުޅިގެން އިލްހާމް ހާޒިރު ކުރުމަށް ބޭނުންވާ ކަމަށާއި އެހެން ނަމަވެސް ރާއްޖޭން ބޭރުގައި ހުރުމުން ހާޒިރު ކުރެވޭގޮތް ވެފައި ނުވާ ކަމަށެވެ.
އިލްހާމްގެ މައްޗަށް ތުހުމަތުކުރެވޭ މައްސަލައާ ގުޅިގެން ތަހުގީގަށް ކުރަންޖެހޭ ސުވާލުތައް ކުރުމަށާއި ތުހުމަތުތަކަށް ޖަވާބުދާރީވުމުގެ ގޮތުން 31 ޖެނުއަރީ ފެށިގެން 14 ދުވަހުގެ ތެރޭގައި މޯލްޑިވްސް ޕޮލިސް ސަރވިސްއަށް ހާޒިރުވުމަށް ފުލުހުން ވަނީ އަންގާފައެވެ. ކަނޑައަޅާފައިވާ މުއްދަތުގެ ތެރޭގައި ހާޒިރު ނުވެއްޖެ ނަމަ އަޅަންޖެހޭ ގާނޫނީ އެހެނިހެން ފިޔަވަޅުތައް އަޅާނެ ކަމަށް ފުލުހުން ބުނެއެވެ.