އީރާނުގައި މިހާރު ކުރިއަށްދާ މުޒާހަރާތަކާ ގުޅިގެން އަލްޖަޒީރާ މީޑިއާ ނެޓްވަރކްގެ ނަމުގައި ދޮގު ޚަބަރު ފަތުރަމުންދިޔަ ޓްވިޓަރ އެކައުންޓެއް ސަސްޕެންޑް ކޮށްފިއެވެ.
"@Aljazeerairan" ގެ ނަމުގައި ހަދާފައިވާ މި އެކައުންޓުން ކުރަމުންދިޔަ ޓްވީޓްތަކާ ގުޅިގެން، އެ ނެޓްވަރކުން ނެރުނު ބަޔާނެއްގައި، އެ އެކައުންޓަކީ އަލްޖަޒީރާ މީޑިއާ ނެޓްވަރކްގެ އަގުވައްޓާލައި، އެ ނެޓްވަރކަށް އޮތް އިތުބާރު ގެއްލުވައިލުމަށް ބަޔަކު ކުރަމުންދާ ކަމެއްގެ ގޮތުގައި ސިފަކޮށް، އެ އެކައުންޓް އުވާލައިދިނުމަށް ޓްވިޓަރއަށް ވަނީ ގޮވާލާފައެވެ.
މިފަދަ ނޭއްގާނީ އަމަލުތަކާ މެދު ސަމާލުވެ ތިބުމަށް ޓްވިޓަރ އިން ގޮވައިލާފައިވާއިރު، އެ ނެޓްވަރކުން އިތުރަށް ބުނެފައި ވަނީ، ވަކި ފަރާތަކަށް ނުޖެހި، ހަމަހަމަކަމާ އެކު ޚަބަރާއި މަޢުލޫމާތު ފޯރުކޮށްދިނުމުގައި އެ ނެޓްވަރކް ދެމިއޮންނާނެ ކަމަށެވެ.
އަލްޖަޒީރާގެ ބަޔާނަށް ފަހު، ޓްވިޓަރ އިން ވަނީ އަލްޖަޒީރާގެ ނަމުގައި ހިންގަމުންދިޔަ ފޭކު އެކައުންޓް ސަސްޕެންޑް ކޮށްފައެވެ.
