"ވީރޭ ދި ވެޑިން" ގެ ފުރަތަމަ ޕޯސްޓަރ އާންމު ކޮށްފިއެވެ.
ކަރީނާ ކަޕޫރާއި ސޯނަމް ކަޕޫރާއި ސްވަރާއި ބާސްކަރު އަދި ޝިކާ ތަލްސާނިއާ އެކީގައި ފެނިގެންދާ އެ ޕޯސްޓަރގައި ފެންނަނީ އިންޑިއާގެ ސަގާފީ ހެދުމެއްގައި ތިއްބައެވެ. މި 4 އަންހެނުން ނަކީ ފިލްމުގެ ލީޑު ރޯލުން ފެންނަ ހަތަރު މީހުންނެވެ.
މި ޕޯސްޓަރ އާންމު ކޮށްފައި ވަނީ އިންސްޓަގްރާމުގައި ސޯނަމް ކަޕޫރާއި އަނިލް ކަޕޫރެވެ. މި ފިލްމުގެ ޕްރޮޑިއުސަރަކީ ރިއާ ކަޕޫރެވެ.
"ވީރޭ ދި ވެޑިން" ގެ ޝޫޓިން ފަށާފައި މިވަނީ އެތައް ދުވަހަކަށް އެ ފިލްމުގެ ޝޫޓިން ލަސްކުރުމަށްފަހުގައެވެ. އަންހެނުންތަކެއްގެ ވާހަކަ ކިޔައިދޭ "ވީރޭ ދި ވެޑިން"ގެ ޝޫޓިން މި އަހަރުގެ ތެރޭގައި ފެށޭނެ ކަމަށް ޕްރޮޑިއުސަރ އެކްތާކަޕޫރު އެތައް ފަހަރެއްގެ މަތިން ވަނީ ބުނެފައެވެ.
މި ފިލްމު ސިނަމާތަކަށް އަންނާނީ އަންނަ އަހަރުގެ މެއި މަހުގެ 18 ވަނަ ދުވަހުގައެވެ.
