ސްވިމިން އެސޯސިއޭޝަނުން އިންތިޒާމު ކޮށްގެން ބާއްވާ މަކީޓާ ގައުމީ ފެތުމުގެ 42 ވަނަ މުބާރާތް ނޮވެމްބަރު ބޭއްވުމަށް ނިންމައިފިއެވެ.
މި މުބާރާތް ބޭއްވުމަށް ހަމަޖެހިފައި ވަނީ ނޮވެމްބަރު މަހުގެ 19 އިން ފެށިގެން 25 ނޮވެމްބަރުގެ ނިޔަލަށް ބީ.އެމް.އެލް މާލޭ ސްވިމިންގް ޓްރެކްގައި ކަމަށް ސްވިމިން އެސޯސިއޭޝަނުން ބުނެއެވެ.
މީގެއިތުރުން މި މުބާރާތުގައި ކްލަބްތަކުން ވާދަކުރާ ޓީމް ކެޓަގަރީ އާއި، އޯޕަން ކެޓަގަރީގައި ވާދަކުރާ އުމުރުފުރާ ކެޓަގަރީތަކުގެ އިތުރުން މާސްޓަރސް އަދި ޚާއްސަ އެހީއަށް ބޭނުންވާ މީހުންނަށް ހުޅުވާލައިގެން ބޭއްވޭ ކެޓަގަރީތައް ހިމެނޭނެކަމަށް ވެސް ސްވިމިން އެސޯސިއޭޝަނުން ބުނެއެވެ.
މުބާރާތުގައި ކޮންމެ ކެޓަގަރީއަކުން ވެސް އަންހެން އަދި ފިރިހެން އިވެންޓްތައް ކުރިޔަށް ގެންދިޔުމަށް ހަމަޖެހިފައިވާއިރު، މުބާރާތުގައި ބައިވެރިވާން އެދޭ ސްކޫލްތަކުން އިތުރު މަޢުލޫމާތު ބޭނުންނަމަ، ސްވިމިން އެސޯސިއޭޝަނަށް ގުޅުމަށް އެސޯސިއޭޝަނުން އެދެމެވެ.
