މަޑަގަސްކަރައިގައި ފެތުރިފައިވާ ބަލިމަޑުކަން ސީޝެލްސް އަށް ފެތުރިފައިވާ ކަަމަށް ސީޝެލްސްގެ ހެލްތު މިނިސްޓްރީ އިން ބުނެފިއެވެ.
ސީޝެލްސްގެ ހެލްތު މިނިސްޓްރީން ބުނީ މަޑަގަސްކަރާ އަށް ދިޔަ އުމުރުން 34 އަހަރުގެ މީހަކު އެނބުރި ގައުމަށް އައިއިރު ނިއުމޯނިއާގެ ބަލިމަޑުކަމަށް ޕޮޒިޓިވްވެފައިވާ ކަމަށެވެ. އަދި އެ މީހާ އަށް މިހާރު "ސީޝެލްސް ހޮސްޕިޓަލުގައި" ފަރުވާދެމުންދާ ކަމަށާއި އޭނާ އަށް މިހާރު އެންޓިބަޔޮޓިކްސް ދެމުންދާ ކަަމަށެވެ. ހެލްތު މިނިސްޓްރީން އިތުރަށް ބުނީ ނިއުމޯނިިއާއަށް އަށް ޕޮޒިޓިވްވެފައިވާ މީހާ ސީޝެލްސް އަށް އައި ފަހުން އޭނާ އާއި "ކޮންޓެކްޓް" ވެފައިވާ 15 މީހަކަށް ވެސް ރައްކާތެރިކަމުގެ ފިޔަވަޅެއްގެ ގޮތުން އެންޓިބަޔޮޓިކްސް ދީފައިވާ ކަމަށާއި އެމީހުންގެ ކަންކަން ވެސް މިހާރި މޮނިޓާ ކުރަމުންދާ ކަމަށެވެ.
ސީޝެލްސްގެ ގައުމީ އެއާލައިން ކަމަށްވާ "އެއާ ސީޝެލްސް" އިން ވަނީ މަޑަގަސްކަރަ އަށް ކުރަމުންދާ އުދުހުންތައް ހުއްޓާލާފައެވެ. އަދި ސީޝެލްސްގެ ރައްޔިތުން މަޑަގަސްކަރަ އަށް ދަތުރު ނުކުރުމަށް ވެސް ކަމާބެހޭ ފަރާތްތަކުން ވަނީ އިލްތިމާސްކޮށްފައެވެ.
އޯގަސްޓަމަހު މަޑަގަސްކަރާގައި ފެތުރިފައިވާ ބަލިމަޑުކަމުން އަދިވެސް އަރައިނުގަނެވޭއިރު، މިހާތަނަށް މަޑަގަސްކަރާގައި މަދުވެގެން 50 މީހުން މަރުވެ އަދި 500 މީހުން ބަލިމަޑުކަމަށް ޕޮޒިޓިވް ވެފައިވާ ކަމަށް ދުނިޔޭގެ ސިއްހަތާ ބެހޭ ޖަމިއްޔާ އިން ބުނެއެވެ.
މަޑަގަސްކަރާ އާއި ސީޝެލްސް އަކީ އިންޑިއާ ކަނޑުގެ ދެގައުމެވެ.
