ބޮލީވުޑްގެ ތަރި އަމީތާބް ބައްޗަން އަށް އޮކްޓޮބަރ11 ގައި 75 އަހަރު ފުރޭނެއެވެ.
އުފަންދުވަސް ފާހަގަ ކުރުމަށް އަމީތާބާއި އާއިލާ އަންގާރަ ދުވަހުގައި ވަނީ ރާއްޖެ އައިސްފައެވެ.
ސޯޝަލް މިޑިއާގައި ދައުރު ވަމުންދާ ފޮޓޯތަކުގައި އަމީތާބާއި އޭނާގެ ދަރިފުޅު އަދި ބޮލީވުޑްގެ ސްޓާ އަބީޝެކް ބައްޗަންއާއި އަންހެނުން އައިޝްވަރިޔާ ރާއީ އާއި އެދެމީހުންގެ ދަރިފުޅު ވަނީ ރާއްޖެ އައިސްފައެވެ. އެހެން ނަމަވެސް އަމީތާބާއި އާއިލާ އުފަން ދުވަސް ފާހަގަ ކުރާނީ ކޮން ރިސޯޓެއްގައި ކަމެއް އަދި ނޭގެއެވެ.
އަމީތާބްގެ 75 ވަނަ އުފަންދުވަސް ފާހަގަ ކުރުމަށް ބޭނުން ނުވާ ކަމަށް ކަމަށް އިންޑިއާގެ ނޫސް ތަކުގައި މިދިޔަ މަހުގެ ތެރޭގައި ވަނީ ރިޕޯޓް ކޮށްފައެވެ.
އިންޑިއާގެ ބައެއް ނޫސްތަކުގައިވާގޮތުން އަމީތާބް ރާއްޖޭގައި އުފަންދުވަސް ފާހަގަ ކުރުމަށް ފަހު އެނބުރި މުމްބާއި އަށް ދިއުމުގެ ކުރިން އިންޑިއާގެ ދިއްލީއަށް ދާނެއެވެ. ޚަބަރުތައް ބުނާ ގޮތުގައި އެއީ އަމީތާބްގެ އަންހެން ދަރި ޝްވެތާ ބައްޗަން ފިރިމީހާގެ ބައްޕަގެ ވެސް 75 ވަނަ އުފަންދުވަސް އެ ހަފްތާތެރޭގައި އަންނާތީ އެކަންވެސް ފާހަގަކުރުމަށެވެ.
