ޗައިނާ އޯޕަން ޓެނިސް މުބާރާތުގެ ފިރިހެން ސިންގަލްސް ޗެމްޕިއަންކަން ސްޕެއިންގެ ރަފައެލް ނަޑާލް ހޯދައިފި އެވެ.
ދުނިޔޭގެ އެއްވަނަ ޓެނިސް ކުޅުންތެރިޔާ ނަޑާލް، މިމުބާރާތުގެ ޗެމްޕިއަންކަން ހޯދީ، ފައިނަލްގައި އޮސްޓްރޭލިއާގެ ނިކް ކިރްގިއޯސްގެ މައްޗަށް 6-2 އަދި 6-1ން ކުރި ހޯދައިގެންނެވެ.
ޗައިނާގެ ބެއިޖިންގައި ކުރިއަށްދިޔަ މިމުބާރާތުގެ ތައްޓާއެކު، މިސީޒަނުގައި ނަޑާލް ކާމިޔާބުކުރި މުބާރާތްތަކުގެ އަދަދު ވަނީ ހަޔަކަށް އަރާފައެވެ.
މިއަހަރުގެ ފްރެންޗް އޯޕަން ޓެނިސް މުބާރާތާއި ޔޫއެސް އޯޕަން ޓެނިސް މުބާރާތުގެ ޗެމްޕިއަން ނަޑާލް، ޗައިނާ އޯޕަންގެ ތަށި ހޯދީ މުބާރާތުގައި ކުޅުނު 9 މެޗުވެސް ކާމިޔާބު ކޮށްގެންނެވެ. ނަޑާލް އެންމެ ފަހުން ޗައިނާ އޯޕަން ޑެނިސް މުބާރާތް ކާމިޔާބު ކޮށްފައިވަނީ 2005 ވަނަ އަހަރު އެވެ.
