ގައުމީ ސީނިއާ ފިރިހެން ވޮލީ ޓީމުގެ ހެޑް ކޯޗަކަށް މުހައްމަދު ސާޖިދު (ބޮޑު ކާއްޓޭ) ހަމަޖައްސައިފިއެވެ.
ހެޑްކޯޗަކަށް ބޮޑު ކާއްޓޭ ހަމަޖައްސާފައިވާއިރު، އެސިސްޓެންޓް ކޯޗުންނަށް ހަމަޖައްސާފައިވަނީ ދިވެހި ސިފައިން ކްލަބުގެ ކޯޗު މުމްތާޒް އަލީ އަދި ޕޮލިސް ކްލަބްގެ ކޯޗު ހާލިދް މުހައްމަދު އެވެ. ފިޓްނެސް މެނޭޖަރަކަށް މުހައްމަދު ހާނިމް ހަމަޖެއްސިއިރު، ކިޓް މެނޭޖަރަކަށް ހަމަޖައްސާފައިވަނީ އިސްމާއިލް ސަމާހް އެވެ.
ގައުމީ ޓީމުގެ އޮފިޝަލުން ހަމަޖައްސާފައިވާއިރު، އޮފިޝަލުންގެ އެއްބަސްވުން ހަމަވާނީ 2018 ވަނަ އަހަރެވެ.
ގައުމީ ޓީމުގެ ހެޑްކޯޗުގެ މަގާމާ ހަވާލުވުމަށްފަހު ނޫސްވެރިންނަށް މައުލޫމާތު ދެމުން ބޮޑު ކާއްޓޭ ބުނީ، ވޮލީ ޓީމާ ހަވާލުވެ އެންމެ ބޮޑަށް އިސްކަމެއް ދޭނީ މެޑަލްއެއް ހޯދުމުގެ ބަދަލުގައި ޓީމެއް ބިނާކުރުމުގެ މަސައްކަތް ކަމަށާއި، އެ ކަމަށް އެންމެންގެ އެއްބާރުލުން ބޭނުންވާ ކަމަށެވެ.
ވޮލީ ޓީމުގެ ފިޓްނަސް މެނޭޖަރަކަށް ހަމަޖެއްސި ހާނިމް ބުނީ އޭނާގެ ތަޖުރިބާ ބޭނުންކޮށްގެން ވޮލީ ފިރިހެން ޓީމުގެ ފިޓްނަސް ރަނގަޅު ކުރުމަށް މަސައްކަތްކުރާނެ ކަމަށާއި، ބޭނުންވަނީ މިހާރު ހުރި ލެވެލް އިން އެހެން ލެވެލް އަކަށް ގެންދިޔުން ކަމަށެވެ.
ވޮލީ ޓީމުގެ ފިޓްނަސް މެނޭޖަރަކަށް ހަމަޖެއްސި ހާނިމް ބުނީ އޭނާގެ ތަޖުރިބާ ބޭނުންކޮށްގެން ވޮލީ ފިރިހެން ޓީމުގެ ފިޓްނަސް ރަނގަޅު ކުރުމަށް މަސައްކަތްކުރާނެ ކަމަށާއި، ބޭނުންވަނީ މިހާރު ހުރި ލެވެލް އިން އެހެން ލެވެލް އަކަށް ގެންދިޔުން ކަމަށެވެ.
ކާއްޓޭ ވަނީ މީގެކުރިން ގައުމީ ވޮލީ ޓީމުގެ އެސިސްޓެންޓް ކޯޗުގެ މަގާމު އަދާކުރުމުގެ އިތުރުން ހެޑްކޯޗުގެ ޒިންމާވެސް އަދާކޮށްފައެވެ.
