މަޝްހޫރު ލަވަ ކިޔުންތެރިޔާ ސެލީނާ ގޯމޭޒް ކިޑްނީ ޓްރާންސްޕްލާންޓް އޮޕަރޭޝަން ކޮށްފައިވަނީ ސެޕްޓެމްބަރު މަހުގެ 15 ވަނަ ދުވަހުގައެވެ.
އޭގެ ފަހުން މިހާރު ވަނީ ދެ ހަފްތާއެއްހާ ދުވަސް ވެފައެވެ.
ރިޕޯޓްތައް ބުނާ ގޮތުގައި ސެލީނާ މިހާރު ބޮކްސިން ކްލާހަކަށް ދެއެވެ. ސެލީނާގެ ކަސްރަތު ޓްރެއިނާއެއް ކަމަށްވާ ޖޯއި ބުނީ ސެލީނާ އޮޕަރޭޝަނަށް ފަހު ކަސްރަތު ކުރަން ފަށާފައިވާ ކަމަށާއި އަދި ވަރަށް ބުރަކޮށް ކަސްރަތު ކުރާ ކަމަށެވެ. އެހެން ނަމަވެސް އޭނާގެ ހާލަތު އަދި ހުރި ގޮތުން އެހާ ބުރަކޮށް ކަސްރަތު ނުކުރުމަށް ބުނާކަމަށް އޭނާ ބުންޏެވެ.
އުމުރުން މިހާރު 25 އަހަރު ވެފައިވާ ސެލީނާ ގޯމޭޒް ކިޑްނީ ޓްރާންސްޕްލާންޓް އޮޕަރޭޝަން ކޮށްފައިވާއިރު އޭނާއަށް ކިޑްނީ ހަދިޔާ ކޮށްފައިވަނީ އެކްޓަރ ޒެއިރާއެވެ.
ސެލީނާއަށް ވަނީ ސިއްހީ އެތަކެއް މައްސަލަތައް ދިމާވެފައެވެ. އެގޮތުން އޭނާ ދަނީ ލޫޕަސް އާއި ނަފްސާނީ މައްސަލަތަކަށް ބޭސްކުރަމުންނެވެ.
ސެލީނާ އިންސްޓަގްރާމަށް ލާފައިވާ ފޮޓޯގެ ކެޕްޝަނުގައި ވަނީ ޒެއިރާއަށް ޝުކުރު އަދާކޮށްފައެވެ.
ސެލީނާ އޭނާގެ ކެރިއަރ ފަށާފައި ވަނީ ޓީވީ ސީރީޒްއެއް ކަމަށްވާ "ބާނީ އެންޑް ފްރެންޑްސް" އިންނެވެ. އޭނާގެ ފުރަތަމަ އަލްބަމަކީ 2003 ވަނަ އަހަރު ނެރުނު "ސްޓާސް ޑާންސް" އެވެ.
