އަމީތާބް ލީޑް ރޯލުން ފެނިގެންދާ "102 ނޮޓް އައުޓް" ޑިސެމްބަރު 1 ވަނަ ދުވަހު ނެރުމަށް ހަމަޖެހިއްޖެއެވެ.

ރިޕޯޓްތައް ބުނާ ގޮތުގައި "102 ނޮޓް އައުޓް" ނެރޭ ދުވަސް ފަސްކުރީ މިއަހަރުގެ އެންމެ މޮޅު ފިލްމެއްގެ ގޮތުގައި ގިނަ ބަޔަކު ގަބޫލުކުރާ "ޕާދަމްވަތީ" އަޅުވާ ދުވަސް ކައިރި ކައިރީގައި އަންނާތީއެވެ.

"102 ނޮޓް އައުޓް" ގެ ޑައިރެކްޓަރ އުމޭޝް ޝުކްލާ ބުނެފައިވަނީ އޭނާގެ ފިލްމު ރިލީޒް ކުރާ ދުވަސް ލަސްކުރަން ޖެހުމުން ކަންބޮޑުވާ ކަމަށާއި އެހެން ނަމަވެސް އެނޫން ގޮތެއް ނެތް ކަމަށެވެ. އަދި އޭނާ އެގޮތަށް ނިންމީ "ޕަދަމަވަތީ" ނެރެނީ ނޮވެމްބަރ 17 ވަނަ ދުވަސް ކަމަށްވެފައި އެ ފިލްމު އަޅުވާތާ ގާތްގަނޑަކަށް ދެ ހަފްތާ ފަހުން އޭނާގެ ފިލްމަށް މާބޮޑު އަސަރެއް ކުރާނެ ކަމަށް ނުފެންނާތީ ކަމަށް އުމޭޝް ޝުކްލާ ވަނީ ބުނެފައެވެ. އަދި އޭނާގެ ފިލްމުގެ ވިޔަފާރި ދަށް ވާން ނޭދޭ ކަމަށާއި އެ ނިންމުމަކީ މިހާރަށް އޮތް އެންމެ ރަނގަޅު ގޮތް ކަމަށް އޭނާ ބުންޏެވެ.

"102 ނޮޓް އައުޓް" ގައި އަމީތާބްގެ އިތުރުން ލީޑް ރޯލުން ފެނިގެންދާނީ ރިޝީ ކަޕޫރެވެ.