އަފްޣާނިސްތާނުގެ ވެރިރަށް ކާބުލްގައި ހުންނަ ޝީއީ މިސްކިތެއް ކައިރީ ހުކުރު ދުވަހު ދިން ހަމަލާއެއްގައި މަދުވެގެން އާންމުންގެ ފަސް މީހުން މަރުވެއްޖެއެވެ.
މިހަމަލާގައި 19 މީހަކު ޒަޚަމްވެފައިވާއިރު މިހަމަލާ ދީފައި ވަނީ ހުސައިނިޔާ މިސްކިތް ކައިރީގައި އަމިއްލަ އަށް ހަށިގަނޑު ގޮއްވާލައިގެންނެވެ.
ހުކުރު ދުވަހު ޝީއީންގެ މިސްކިތެއް ކައިރީ ހަމަލާ ދިން އިރު، މިހަމަލާ ދީފައި މިވަނީ ޝީއީންގެ ކަލަންޑަރުގެ އެންމެ މާތް ދުވަސް ކަމަށްވާ އާޝޫރާ ދުވަހުގެ ކުރިންނެވެ.
މިހަމަލާގެ ޒިންމާ ނަގާފައި ވަނީ ހަނގުރާމަވެރި ޖަމާއަތް ކަމަށްވާ އިސްލާމިކް ސްޓޭޓޭ ނުވަތަ އައިއެސް އިންނެވެ.
ފަހުގެ އެކި އަހަރުތަކުގައި ވެސް އާޝޫރާ ދުވަހާ ދިމާކޮށް އަފްޣާނިސްތާނުގައިޝީއީންގެ އެކި ތަންތަނަށް ހަަމަލާތައް ދީފައި ވެއެވެ.
