ދެހާސް ސޯޅަ ވަނަ އަހރު ނިކުތް "ބާގީ" ގެ ދެ ވަނަ ބައިގެ ޝޫޓިން ފަށާފައިވާއިރު އެ ފިލްމުގައި ލީޑް އެކްޓަރު ޓައިގާ ޝްރޮފް އެ ފިލްމުން ފެންނާނީ ތަލަކޮށް ކަމަށް މީޑިއާ ރިޕޯޓްތައް ބުނެފިއެވެ.
މި ފިލްމުގެ ޝޫޓިން މިދިޔަ މަހުގެ ތެރޭގައި ފަށާފައިވާއިރު ޓައިގާ ވަނީ އޭނާ މި ފިލްމަށް ތައްޔާރުވުމަށް އެއް މަސް ދުވަހުގެ ސްޓަންޓް ތަމްރީންތައް ވެސް ހަދާފައެވެ. ރިޕޯޓްތައް ބުނާ ގޮތުގައި ޓައިގާ މިފިލްމުގެ ޝޫޓިން ފަށާފައި ވަނީ ވަރަށް ތައްޔާރުވެގެން ކަމަށެވެ.
"ބާގީ" ގައި ވެސް ފެނިގެންދަނީ ޓައިގާ އެވެ. އެހެން ނަމަވެސް "ބާގީ" އާއި ތަފާތުކޮށް "ބާގީ 2" ގައި ޓައިގާ ފެންނާނީ ތަންކޮޅެއް ބިޔަކޮށް ކަމަށް ވެސް މީޑިއާގައި ވަނީ އަޑު ފެތުރިފައެވެ. އަދި ފިލްމުގައި ޓައިގާ ގެ ނެށުންތަކާއި އޭނާގެ ފެނިލުން ވެސް ތަފާތުވާނެ ކަމަށް ދަނީ ބުނަމުންނެވެ.
"ބާގީ 2" ގައި ޓައިގާއާ އެކު ލީޑު ރޯލުން ފެނިގެންދާނީ ފިލްމީތަރި ދިޝާ ޕަޓާނީއެވެ. އަދިވެސް މި ފިލްމުގެ ޝޫޓިން ދަނީ ކުރިއަށެވެ. ފިލްމުގެ ޝޫޓިން ނިމޭނެ ދުވަހެއް އާންމު ކޮށްފައެއް ނުވެއެވެ.
މި ފިލްމު ސިނަމާތަކަށް އަންނާނެ ކަމަށް ލަފާ ކޮށްފައި ވަނީ އަންނަ އަހަރުގެ އެޕްރީލް މަހުގައެވެ.
