އެކްޓަރ ޓޮމް އޮލްޓާ ކެންސަރަށް ފަރުވާ ހޯދަމުންދާކަމަށް އޭނާގެ ދަރިފުޅު ޖެމީ އޮލްޓާ ބުނެފިއެވެ.

ޖެމީ ބުނީ އޭނާގެ ބައްޕަ ކެންސަރަށް ފަރުވާހޯދަމުންދާކަމަށާއި އޭނާ މިހާރު ހުރީ ހަތަރުވަނަ ސްޓޭޖުގައި ކަމަށެވެ. އުމުރުން 67 އަހަރުގެ އޮލްޓާ އޭނާގެ ފިލްމީ ހަޔާތް ފަށާފައިވަނީ 1977 ވަނަ އަހަރުން ފެށިގެންނެވެ. އޭނާ އެންމެ ފުރަތަމަ ކުޅެފައިވަނީ ހިންދީ ފިލްމު "ޗާރެސް" އިން ޗީފް ކަސްޓަމްސް އޮފިސަރެއްގެ ރޯލެވެ.

ޓޮމް އޮލްޓާ ވަނީ ބޮލީވުޑްގެ ފިލްމުތަކުގެ އިތުރުން ހޮލީވުޑްގެ ފިލްމުތައް އަދި ޓީވީ ސީރީޒްތަކުންވެސް ފެނިގެން ގޮސްފައެވެ. އޭނާ ކުޅެފައިވާ ހޮލީވުޑް ފިލްމު ތަކުގެ ތެރޭގައި "އޮން ވިންގްސް އޮފް ފަޔާ"(2001)، "ވަން ނައިޓް ވިތް ދަ ކިންގް"(2006) ހިމެނެއެވެ. ޓޮމް އޮލްޓާ އެންމެ ފަހުން ކުޅެފައިވާ ފިލްމަކީ މިއަހަރު މެއި 26 ގައި ނިކުތް "ސަރޮގޯޝިއާން" އިންނެވެ.

އޭނާއަށް ވަނީ އިންޑިއާ ސަރުކާރުން 2008 ގައި "ޕަދްމަ ޝްރީ އެވޯޑް" ވެސް އަރުވާފައެވެ.

ޓޮމް އޮލްޓާ އަކީ އެމެރިކާ ދަރިކޮޅުގެ ބޮލީވުޑްގެ އެންމެ ދުވަސްވީ އެކްޓަރ ވެސް މެއެވެ.