ކެރީބިއަން ރަށްތަކަށް އެރި ވަރުގަދަ ތޫފާން "އިރްމާ" ގައި ބޮޑެތި ގެއްލުންތަކެއް ވެއްޖެއެވެ.
ފްރާންސްގެ އިންޓީރިއާ މިނިސްޓާ ޖެރާޑް ކޮލޮމްބްވެސް ވިދާޅުވީ، ކެޓަގަރީ ފަހެއްގެ ބާރުގަދަ މި ތޫފާނުގައި ކެރީބިއަންގެ ރަށެއް ކަމަށްވާ ސެއިންޓް މާޓިންގެ އެންމެ ވަރުގަދަ ހަތަރު އިމާރާތެއް އެއްކޮށް ވަނީ ބިމާ ހަމަވެފައިވާ ކަމަށާއި، ހަލާކުވި އިމާރާތްތަކުގެ ތެރޭގައި ސަރުކާރުގެ އިމާރާތްތައް ވެސް ހިމެނޭކަމަށެވެ.
އެގޮތުން އޭނާ ވިދާޅުވީ، ފްރާންސްގެ އެމެޖެންސީ ޓީމުތަކެއް މިހާރު ކެރީބިއަން އައިލޭންޑްސްގެ ރަށްތަކަށް ގޮސްފައިވާ ކަމަށާއި، އެހީތެރިކަން ފޯރުކޮށްދިނުމަށް ކެނޑިނޭޅި މަސައްކަތް ކުރަމުން އަންނަ ކަމަށެވެ.
Video captured by the International Space Station shows the view of Hurricane #Irma from space https://t.co/u6zeDknlGs pic.twitter.com/1Yl3Yyca1b
— CNN (@CNN) September 6, 2017
ކެރީބިއަން އައިލޭންޑްސްގެ ގިނަ ރަށްތައް ސުންނާފަތި ކޮށްލުމަށް ފަހު، މި ތޫފާން މިހާރު މިސްރާބު ޖަހާފައި ވަނީ ޕައުޓޮރިކޯ އަދި ޑޮމެނިކަން ރިޕަބްލިކް އަށެވެ. މި ތޫފާނުގެ އަސަރު މި ހަފްތާގައި ކުރާނެ ކަމަށް ލަފާކޮށް އެމެރިކާގެ ފްލޮރިޑާގެ ކީ ވެސްޓް ސަރަހައްދުން ވަނީ މީހުން ފޮނުވާލުމުގެ މަސައްކަތް ފަށާފައެވެ.
ތޫފާނުގެ މިސްރާބު އެތައް ރަށަކަށް ހުރިއިރު އޭގެ ތެރޭގައި ޕޯޓަ ރިކޯ،އެންޓިގުއާ، ސެއިންޓް ކިސްޓްސް،އަދި ނޭވިސް އާއި ޔޫއެސް ވަރޖިން އައިލެންޑްސް ހިމެނެއެވެ.
އެޓްލާންޓިކް ކަނޑުގައި އުފެދުނު އެންމެ ބާރުގަދަ ތޫފާނުގައި ވައި ހުރީ ގަޑިއަކު 185 މޭލު ބާރުމިނުގައި ކަމަށް އެމެރިކާގެ ނޭޝަނަލް ހަރިކޭން ސެންޓަރުން ބުނެއެވެ.
