ސީރިއާގެ ހުމްސްގެ ރައީފް އަވަށާއި ދީރް އަލް ޒޫރާއި ދެމެދުގައިވާ ސަހަރާގައި ތިބި އައިސިސް ޖަމާޢަތުގެ 113 ހަނގުރާމަވެރިން ސީރިއާ ސަރުކާރާއި ގުޅިފައިވާ ކަމަށް ސީރިއާ ސަރުކާރުން ބުނެފިއެވެ.

ސީރިއާ ސަރުކާރުގެ ފައުޖުތަކާއި ގުޅުނު ހަނގުރާމަވެރިންގެ އާއިލާތަކަށް ސީރިއާގެ ސަރުކާރުން މިހާރު ހިމާޔަތް ދީފައިވީނަމަވެސް، ސީރިއާ ސަރުކާރުގެ ފައުޖުތަކާއި ގުޅުނު މީހުން ވަނީ ދީރް އަލް ޒޫރުގައި ހަނގުރާމަ ކުރުމަށް ދެކޮޅުހަދާފައެވެ.

ސީރިއާ ސަރުކާރާއި އައިއިސްގެ ހަނގުރާމަވެރިންތަކެއް ގުޅުނު ނަމަވެސް، ސީރިއާގެ ހުމްސްގެ ރައީފް އަވަށާއި ދީރް އަލް ޒޫރާއި ދެމެދުގައިވާ ސަހަރާގައި ތިބި ހަނގުރާމަވެރިން ދެބައިވެފައިވާ ކަމަށާ، އޭގެން ބަޔަކަށް ހަމަލާ ދީފައިވާނެ ކަމަށް އެމެރިކާ އިސްވެ އޮވެ އުފައްދާފައިވާ ކޯލިޝަނުން ވަނީ ބުނެފައެވެ.

އެގޮތުން، ސީރިއާ ސަރުކާރުގެ ދަށަށް އެއްބަޔަކު ގޮސްފައިވާއިރު، އަދިވެސް ސަހަރާގައި ހަނގުރާމަވެރިން ތިބި ކަމަށް އެމެރިކާއިން ބުނެއެވެ. އަދި ސަހަރާގައި ތިބި ހަނގުރާމަވެރިން ބޭނުންކުރަމުންދިޔަ 40 ކާރަށް ހަމަލާދީ، 85 ހަނގުރާމަވެރިއަކު މަރާލާފައިވާކަމަށްވެސް އެމެރިކާ އިސްވެ އޮވެ ސީރިއާގައި ހަނގުރާމަކުރާ ކޯލިޝަނުން ވަނީ ބުނެފައެވެ.

ސީރިއާގެ ހަނގުރާމައިގެ ހާލަތު އިތުރަށް ގޯސްވަމުންދާއިރު، ދެފަރާތުންވެސް ބުނަމުންދަނީ އެފަރާތްތަކަށް ކާމިޔާބުވަމުންދާ ކަމަށެވެ.