ވޯލްޑް ކަޕް ކޮލިފައިންގައި އިސްކޯގެ ދެ ލަނޑުން އިޓަލީގެ މައްޗަށް ސްޕެއިން ކުރިހޯދައިފި އެވެ.
ހޮނިހިރު ދުވަހުގެ ރޭ ކުޅުނު މެޗު އިޓަލީއާ ވާދަކޮށް ސްޕެއިން އިން މެޗު ކާމިޔާބުކުރީ 0-3 ގެ ނަތީޖާއަކުންނެވެ.
ސްޕެއިންގެ ސެންޓިއާގޯ ބާނެބޯގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށްގެން ރަނގަޅަށް ކުޅުނީ އެޓީމެވެ. އެގޮތުން އެޓީމުން ވަނީ އިޓަލީގެ ހާފަށް ބާރުބޮޑުކޮށް ލަނޑު ޖެހުމަށް ފުރުސަތުތަކެއް ތަނަވަސްކޮށްފައެވެ.
Take a bow, sir!@isco_alarcon celebrates the superb free-kick that put Spain 1-0 up on Italy #WCQ
— #WCQ (@FIFAWorldCup) September 2, 2017
pic.twitter.com/rUQA4REagh
ސްޕެއިން އިން މެޗުގެ ލީޑު ނެގީ 13 ވަނަ މިނެޓުގައެވެ. މި ލަނޑު އެޓީމަށް ކާމިޔާބުކޮށްދިނީ އިސްކޯ އެވެ. މި ލަނޑަށްފަހުވެސް ސްޕެއިން އަށް ވަނީ ލަނޑު ޖެހުމަށް ފުރުސަތުތަކެއް ލިބި ބޭކާރުވެފައެވެ.
ފުރަތަމަ ހާފް ނިމުމުގެ ކުރިން ސްޕެއިން އަށް މެޗުގެ ލީޑު ފުޅާކޮށްދިނީވެސް އިސްކޯ އެވެ. މެޗުގެ 40 ވަނަ މިނެޓުގައި މި ލަނޑު އިސްކޯ ކާމިޔާބުކުރީ އަންދްރޭސް އިނިއެސްޓާގެ އެހީތެރިކަމާއެކުގައެވެ.
ފުރަތަމަ ހާފް ނިމުނީ 0-2 ގެ ނަތީޖާއިން އިޓަލީގެ މައްޗަށް ސްޕެއިން ކުރީގައި އޮވެގެންނެވެ.
Nos vamos a dormir recordando el 10º #MandamientoSeFutbol
— Selección Española (@SeFutbol) September 2, 2017
'Celebrarás cada gol como si no hubiera un mañana'
Felices sueños pic.twitter.com/4pisCkTRh4
ދެވަނަ ހާފް ފެށިގެންވެސް ރަނގަޅަށް ކުޅުނީ ސްޕެއިން އެވެ. އެގޮތުން އެޓީމުން ވަނީ ދެވަނަ ހާފްގައިވެސް ލަނޑު ޖެހުމަށް ގިނަ ފުރުސަތުތައް ތަނަވަސްކޮށްފައެވެ.
ސްޕެއިން އިން މެޗުގައި ކާމިޔާބުކުރި ތިންވަނަ ލަނޑު 77 ވަނަ މިނެޓުގައި އެޓީމަށް ކާމިޔާބުކޮށްދިނީ އަލްވަރާ މޮރާޓާ އެވެ. އޭނާ މި ލަނޑު ކާމިޔާބުކުރީ ޑިފެންޑަރު ސާޖިއޯ ރާމޮސް ތަނަވަސްކޮށްދިން ފުރުސަތަކުންނެވެ.
މި ނަތީޖާއާއެކު ސްޕެއިން އޮތީ ކުޅުނު ހަތް މެޗުން ލިބުނު 19 ޕޮއިންޓާއެކު ގްރޫޕްގެ އެއްވަނައިގަ އެވެ. މެޗުން ބަލިވި އިޓަލީ އޮތީ 16 ޕޮއިންޓާއެކު ގްރޫޕްގެ ދެވަނައިގައެވެ.
