އަމިއްލަ ބްރޭންޑްތައް ހިމެނޭހެން ގިނަ ސާމާނުތަކާއި އެކު ސުޕަރ މާޓް ބައި ސަމަން ހުޅުވައިފިއެވެ.
ސަމަން ޓްރޭޑިން ޕްރައިވެޓް ލިމިޓެޑުން ހުޅުވާ މި ސުޕަމާކެޓް ހުންނަނީ ހުޅުމާލެ ދެ ވަނަ ފިޔަވަހީގައި، ވިނަރެސް ޓަވަރު 3ގެ ގްރައުންޑް އަދި ފުރަތަމަ ފަންގިފިލާގަ އެވެ. އެ ސުޕަރމާޓް ހުޅުވާފައި ވަނީ ހޮނިހިރު ދުވަހުގެ ރެއެވެ.
އެ ސުޕަރމާޓާއި ގުޅޭގޮތުން ރާއްޖެއެމްވީ އަށް މައުލޫމާތުދެއްވަމުން ސަމަންގެ ބިޒްނެސް ޑެވެލޮޕްމެންޓް ޑިޕާޓްމެންޓްގެ ސީނިއާ އެގްޒެކެޓިވް ހަނާން ސައީދު ވިދާޅުވީ އެ ސުޕަރމާޓް ހުޅުވާފައި ވަނީ ވަރަށް ބޮޑަށް މާކެޓް ބެލުމަށް ފަހު އާއްމުންގެ ބޭނުންތަކަށް ވިސްނައިގެން ކަމަށެވެ. އެގޮތުން ހުޅުމާލޭގައި އަލަށް އާބާދުވި ސަރަހައްދުގައި ކަސްޓަމަރުންނަށް ބޭނުންވާ ހުރިހާ ސާމާނުތައް އެއްތަނަކުން ލިބޭނެ މަގު ފަހިކޮށްދިނުމަށް ވިސްނާފައިވާނެ ކަމަށް އޭނާ ވަނީ ވިދާޅުވެފައެވެ. ވީހާވެސް ގިނަ މުދާ އެއްތަނަކުން ފަސޭހަކަމާއި އެކު ލިބޭނެ މަގު ފަހިކުރުމަށް މަސައްކަތްކޮށްފައިވާނެ ކަަމަށް ހަނާން ވިދާޅުވިއެވެ.
އެތަނުން ލިބެން ހުރިތަކެތީގެ ތެރޭގައި ތަފާތު ޕްރައިޒް ރޭންޖުގެ ކޮލިޓީ ތަކެތި ލިބެން ހުންނާނެ ކަމަށް ހަނާން ވަނީ ފާހަގަކުރައްވާފައެވެ. އަދި ކުރިއަށް އޮތްތަނުގައި ޕްރޮޑަކްޓް ރޭންޖްތައް އިތުރަށް ފުޅާކުރާނެ ކަމަށް ވެސް އޭނާ ވަނީ ވިދާޅުވެފައެވެ. އެތަނުން އާއްމުކޮށް މާކެޓުން ލިބޭ ބްރޭންޑްތައް ލިބެން ހުންނާނެ ކަަމަށާއި ކުރިއަށް އޮތްތަނުގައި އިތުރު ބްރޭންޑްތަކާއި ޕްރޮޑަކްޓްތައް ވެސް އެ މާޓުން ލިބެން ހުންނާނެ ކަަމަށް އޭނާ ވިދާޅުވިއެވެ.
މާކެޓް ރިސަރޗް ހަދާފަ މި ހިސާބުން ނުލިބޭ އެއްޗެއްސާވެސް އެކުގަ މިތަން ހުޅުވީ. ވަރަށް ރީސެންޓްލީ ދެއްތޯ މިތަން އާބާދުވާން ފެށީ. މާކެޓް ރިސަރޗް ހަދާފަ ކަސްޓަމަރ އޮރިއެންޓެޑް ސުޕަރމާޓަކަށް ހެދުމަށް މަސައްކަތް ކުރީ. ކަސްޓަމަރ އޮރިއެންޓެޑް އަދި ޗީޕް ގިނަ މުދާ އެއް ތަނަކުން ފަސޭހައިން ލިބޭނެ ގޮތަކަށް ހެދުމަށް މަސައްކަތް ކުރިން. އަދި ގަންނަން އަންނަ އިރު ޗޮއިސެސް ހުންނާނެ ގޮަތަކަށް އެއްޗެހިބަހައްޓަން ވަރަށް ވިސްނިން. ލޯންޑްރީ އަދި ބަދިގެ ސާމާނުގެ ވެސް ވެރައިޓީޒް ހުންނާނެ އޭ. ސުޕަރމާޓް ވަރަށް އެކްސެސިބްލް ވާނެ އެންމެންނަށް ވެސް. އަގު ބޮޑުކޮށް ވެސް އަޑުހެޔޮކޮށް ވެސް ހުންނާނެ.ސަމަން ބިޒްނެސް ޑެވެލޮޕްމެންޓް ޑިޕާޓްމެންޓްގެ ސީނިއާ އެގްޒެކެޓިވް ހަނާން ސައީދު
އޭނާ ވަނީ ރޯދަމަހަށް ބޭނުންވާ ފަދަ ޚާއްސަ ސާމާނު އެތަނުން ލިބެން ހުންނާނެ ކަމަށް ވިދާޅުވެފައެވެ. އަދި ސުޕަރމާޓްބައި ސަމަން އިން ރޯދައަށް ޚާއްސަކޮށްގެން ޕްރޮމޯޝަންތައް ގެންދާނެ ކަމަށް އޭނާ ވިދާޅުވިއެވެ.
އެެ ތަނުގެ ގްރައުންޑް ފްލޯ އިން ކާބޯތަކެތީގެ ގިނަ ބާވަތްތައް ލިބެން ހުންނަ އިރު އެ ތަނުގެ ފުރަތަމަ ފަންގިފިލާގައި ރީތިވާން ބޭނުންކުރާ ސާމާނާއި ބަދިގެއާއި ގޭތެރެއަށް ބޭނުންވާ ސާމާނުގެ އިތުރުން ކުޑަކުދިންނަށް ބޭނުންވާ ސާމާނު ލިބޭނެ އިންތިޒާމް ވަނީ ހަމަޖައްސާފައެވެ. މީގެ އިތުރުން ކައިވެންޏާއި އުފަންދުވަސް ފަދަ ހަފްލާތަކަށް ބޭނުންވާ އެއްޗެހިވެސް އެތަނުން ލިބެން ހުރެއެވެ.
