އުރީދޫ ކަސްޓަމަރުންނަށް "ސައިކަލް ލިބޭ" ޕްރޮމޯޝަންގައި ބައިވެރިވުމުގެ އެންމެ ފަހު ދުވަހަކީ 31 ޑިސެމްބަރު ކަމަށް އެ ކުންފުނިން ބުނެފިއެވެ.

އުރީދޫއިން ބުނީ "ސައިކަލް ލިބޭ" ޕްރޮމޯޝަންގައި ކަސްޓަމަރުންނަށް އަދިވެސް ޑިސެމްބަރު މަހުގެ މަތީ އިނާމު ޕީސީއެކްސް 160 އަދި ޕްރޮމޯޝަންގެ މައި އިނާމު 2024 ރެބެލް 300 (ކަޅު) ކާމިޔާބު ކުރުމުގެ ފުރުޞަތު އެބައޮތް ކަމަށެވެ.

23 ސެޕްޓެމްބަރު 2024 ގައި އުރީދޫ މޯލްޑިވްސް އިން ތައާރަފްކޮށް ކުރިއަށް ގެންދާ މި ޕްރޮމޯޝަންގައި ކޮންމެ 3 ދުވަހަކުން އެއް ސައިކަލު ދެމުން އަންނައިރު، ކެމްޕެއިން ނިމޭއިރު ޖުމްލަ 30 ސައިކަލު ނަސީބުވެރި ފަރާތްތަކަށް ދެވޭނެއެވެ. މި ޕްރޮމޯޝަން 31 ޑިސެމްބަރު 2024 އާ ހަމައަށް ކުރިއަށްދާއިރު، ބާކީ ހުރި 5 ސައިކަލު ހޯދުމުގެ ފުރުސަތު އަދިވެސް ކަސްޓަމަރުންނަށް ވަނީ ހުޅުވާލެވިފައެވެ.

ރާއްޖޭގެ އެކި ކަންކޮޅުތަކުގައި ދިރިއުޅޭ އުރީދޫ މޯލްޑިވްސްގެ ހުރިހާ ކަސްޓަމަރުންގެ އިތުރުން އަލަށް އުރީދޫ އާއި ގުޅޭ ކަސްޓަމަރުންނަށްވެސް މި ޕްރޮމޯޝަނުގައި ބައިވެރިވެވޭނެއެވެ.

މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގައި އެންމެ ވަރުގަދަ އަދި އެންމެ ބޮޑު 5ޖީ ނެޓްވޯކް ތައާރަފްކުރުމުގެ މުނާސަބަތުގައި ކުރިއަށް ގެންދާ ޕްރޮމޯޝަނެކެވެ. މީގެ އިތުރުން މި ޕްރޮމޯޝަން އަކީ އުރީދޫ ކަސްޓަމަރުންގެ އިތުބާރާއި އެއްބާރުލުން ފާހަގަކޮށް ކަސްޓަމަރުންގެ ވަޒަން ކުރުމުގެ ގޮތުން ކުރިއަށް ގެންދާ ޕްރޮމޯޝަންއެއްވެސްމެއެވެ. މި ޕްރޮމޯޝަންގެ އެންމެ އަގު ހުރި އިނާމް 2024 ރެބެލް 300 ހިމެނޭ ގޮތަށް ކާމިޔާބު ކުރަން ފުރުސަތު އޮތް އިރު، ނަސީބުވެރި ފަރާތްތަކުގެ މައުލޫމާތު އުރީދޫ މޯލްޑިވްސްގެ ރަސްމީ ސޯޝަލް މީޑިއާ ޗެނަލްތަކުން އިއުލާނު ކުރަމުންދާނެއެވެ.