ނޭޝަނަލް ޑްރަގް އޭޖެންސީގެ ޓެކްނިކަލް ކޮމިޓީ އެކުލަވާލައިފިއެވެ.

އެންޑީއޭއިން ބުނީ އެ އޭޖެންސީން ޓެކްނިކަލް ކޮމިޓީއެއް އެކުލަވާލައި، ކުރިއަށް އޮތް މުއްދަތުގައި ސަބް ކޮމިޓީއެއް އުފެއްދުމާ ގުޅޭގޮތުން މަޝްވަރާކޮށްފައިވާ ކަމަށެވެ. މި ސަބް ކޮމިޓީގެ މައިގަނޑު މަސްއޫލިއްޔަތުތަކުގެ ތެރޭގައި ހިމެނެނީ ޤައުމީ ފެންވަރުގައި މަސްތުވާތަކެތީގެ ޑިމާންޑް މަދުކުރުމާއި، އޭގެ ސަބަބުން ކުރިމަތިވާ ގެއްލުންތައް ކުޑަކުރުމާއި، އަދި މަސްތުވާތަކެތީގެ ސަޕްލައި މަދުކުރުމަށް ކުރަންޖެހޭ މަސައްކަތްތައް ކުރުމެވެ.

މީގެ އިތުރުން، މިއަދުން ފެށިގެން ހުރިހާ ޓެކްނިކަލް ނިންމުންތަކެއް ނިންމުމުގެ ޒިންމާ ހަވާލުކުރެވިފައިވަނީ މި އަލަށް އެކުލަވާލެވުނު ޓެކްނިކަލް ކޮމިޓީއާ ކަމަށްވެސް އެންޑީއޭއިން ވިދާޅުވިއެވެ.

ކޮމެޓީގެ މަސްއޫލިއްޔަތުގެ ތެރޭގައި އެންޑީއޭއިން ޑްރަގު ކޯޓަށް ލަފާދިނުން ހިމެނެއެވެ. އެގޮތުން މަސްތުވާތަކެތީގެ މައްސަލަތައް ޑްރަގް ކޯޓުން ބެލުމުގައާއި އެފަދަ މައްސަލަތަކުގައި އަދަބު ކަނޑައެޅުމުގެ އިތުރުން މަސްތުވާތަކެތި ބޭނުންކުރާ މީހުންނަށް ފަރުވާގެ ޕްރޮގްރާމުތައް ކަނޑައެޅުމުގަ ޑްރަގް ކޯޓަށް ބޭނުންވާ ލަވާ އެންޑީއޭއިން ދޭން ޖެހެއެވެ.

އަދި ޑްރަގް ކޯޓަށް ލަފާދިނުމަށްޓަކައި ފަންނީ ޓީމެއް ނުވަތަ ޓީމުތަކެއްގެ ޚިދުމަތް މެދުނުކެނޑި ޑްރަގް ކޯޓަށް ލިބެނޭ އިންތިޒާމު އެމްޑީއޭއިން ހަމަޖައްސަންޖެހެއެވެ. މީގެ އިތުރުން އަހަރަކު އެއް ފަހަރު ހުށަހެޅޭ މައްސަލަތަކުގެ ތަފްސީލް، މައްސަލަތައް ނިމުނު ގޮތްތަކާއި މައްސަލަތަކުގެ ބާވަތްތަކާއި ފަރުވާއަށް ފޮނުވުނު މީހުންގެ ތަފްސީލް އަދި ފަރުވާ ފުރިހަމަކުރި މީހުންގެ ތަފްސީލް ހިމެނޭ ރިޕޯޓެއް އެކުލަވާލުމަށް ފަހު ނެޝެނަލް ޑްރަގް ކައުންސިލަށް ހުށަހަޅަން ޖެހެއެވެ.

ހަމައެހެންމެ މައްސަލަ ނިމުމަށް ހޭދަވި ވަގުތާއި އިދާރީ ގޮތުން ހުރި ދަތިތައްވެސް ޝެނަލް ޑްރަގް ކައުންސިލަށް ހުށަހަޅަން ޖެހޭ ގޮތަށް ވަނީ ނިންމާފައެވެ.