ރާއްޖޭގެ ފުރަތަމަ 24 ގަޑިއިރު ޚިދުމަތްދޭ ބޭކަރީ އާއި އެކު "ދަ ބޭކާރސް"ގެ މުޅިން އާ އައުޓްލެޓެއް މާލޭގައި ހުޅުވައިފިއެވެ.
މި އައުޓްލެޓް ހުޅުވުމުގެ ގޮތުން ކަސްޓަމަރުންނަށް ދަ ބޭކާރސްގެ ޕްރޮޑަކްޓްތަކުގެ ރަހަ ދައްކާ ލުމާއި، ރޮބޯމޭންގެ ޚާއްސަ ހަރަކާތްތައް ވަނީ ކުރިއަށް ގެންގޮސްފައެވެ.
ހޮނިހިރު ދުވަހު ހަވީރު ހުޅުވި އެ އައުޓްލެޓަކީ، ދިވެހިންގެ މެދުގައި ބޮޑު މަޤްބޫލްކަމެއް ހޯދާފައިވާ "ދަ ބޭކާރސް"ގެ 5 ވަނަ އައުޓްލެޓެވެ. މި އައުޓްލެޓް ހުޅުވާފައި ވަނީ ސޯސަންމަގުގައެވެ.
އެ އައުޓްލެޓާއި ގުޅޭގޮތުން ރާއްޖެ އެމްވީ އާއި މައުލޫމާތު ހިއްސާކުރައްވަމުން ދަ ބޭކާރސްގެ ހެޑް އޮފް ސޭލްސް އެންޑް މާކެޓިން، ހަސަން ޖަލާލް ވިދާޅުވީ މި އައުޓްލެޓްގެ ޚާއްސަކަމަކީ ދަ ބޭކާރސް ސެލެކްޓް މެދުވެރިކޮށް މުޅިން އަލަށް ތައާރަފްކުރާ ބަރގަރތައް ކަމަށެވެ. އެބަރގަތައް ތައާފްކުރަނީ ކޮމްބޯ މީލްތަކެއްގެ ސިފައިގައި ކަމަށް ވީ ނަމަވެސް ވަކިން ވެސް މި ބަރގަތައް ގަތުމުގެ ފުރުސަތު ކަސްޓަމަރުންނަށް ލިބިގެންދާނެކަން އޭނާ ވަނީ ފާހަގަކުރައްވާފައެވެ. މި ބަރގަރތަކުގެ 3 ފްލޭވަރ އެއް ލިބެން ހުންނާނެ ކަމަށް ވެސް އޭނާ ވިދާޅުވިއެވެ.
އިތުރަށް މި ތަން މި އަންނަނީ ކަސްޓަމަރުންނަށް ޑައިނިންގެ ސްޕޭސްއަކާއި ވެސް އެއްކޮށް. ދެން މެއިންލީ މި ބޭކާރސް ސެލެކްޓް މެދުވެރިކޮށް ނެރެނީ ބަރގަރސްގެ ކޮމްބޯސް. ފުރަތަމަ 3 ފްލޭވަރ އެއް މި އިންޓްރޮޑިއުސްކުރަނީ. އެއީ ޓީބީބީ ސިގްނޭޗަރ، ޓީބީބީ ބްލޭޒް ދެން ޓީބީބީ ހަނީ ކްރަންޗް. ދެން ބަރގަރގެ އިތުރުން ކަސްޓަމަރުންނަށް ވަރަށް މަޤްބޫލް އެއްޗެއް. ސޭންޑްވިޗްގެ ކޮމްބޯ ވެސް ލިބެން ހުންނާނެ.ހެޑް އޮފް ސޭލްސް އެންޑް މާކެޓިން، ހަސަން ޖަލާލް
މީގެ އިތުރުން ދަ ބޭކާރސްގެ އެހެނިހެން އައުޓްލެޓްތަކާއި ޚީލާފަށް އެތަނަށް ގޮސްގެން ޑައިނިންގ ކުރުމުގެ ފުރުސަތު މި އައުޓްލެޓުން ލިބިގެންދާނެކަން އޭނާ ވަނީ ފާހަގަކުރައްވާފައެވެ. އެކަން އެގޮތަށް ކޮށްފައި ވަނީ އަބަދުވެސް ކަސްޓަމަރުންނަށް ލިބޭ ޚިދުމަތް އިތުރަށް ފުޅާކޮށް ހިތްގައިމުކުރުމުގެ ގޮތުން ކުރަމުންދާ މަސައްކަތުގެ ތެރެއިން ކަމަށް އޭނާ ވިދާޅުވިއެވެ. އެގޮތުން އަވަދިނެތި އުޅޭ މީހުންނަށް މިތަނުން އަވަސް، އަދި ހިތްފަސޭހަ ތަޖުރިބާއެއް ލިބިގެންދޭނެކަން އޭނާ ވަނީ ފާހަގަކުރައްވާފައެވެ.
އެކްސްޕެންޑް ކުރާނެ ގޮތް އަބަދުވެސް ވިސްނަން. ބްރެއިންސްޓޯމްކުރަން އެންހޭންސް ކުރެވޭނެ ގޮތެއް. ބޭކަރީ އައުޓްލެޓް ހިންގާތާ 4 އަހަރު، އަންނަ އަހަރު 5 ވަނަ އައުޓްކެޓް ހުޅުވާނެ. މާކެޓުން މުޅިން ވެސް ފެންނަނީ. ލޯކަލް ބްރޭންޑެއް ކުރިއެރުވުން އެއީ އަނެއް ބޭނުން. އަބަދުވެސް ފެންނަނީ ފްރެންޗައިޒް. ލޯކަލް ބްރޭންޑްތައް ކުރިއަރުވަން ވަރަށް ބޮޑަށް ވިސްނަން.ހެޑް އޮފް ސޭލްސް އެންޑް މާކެޓިން، ހަސަން ޖަލާލް
މިތަނުން ލިބެން ހުންނަ ބުއިންތަކުގެ ތެރޭގައި އެކި ބާވަތުގެ ސޮފްޓް ޑްރިންކްސް، ކުޑަކުދިންނަށް ކަމުދާނެ ފަދަ ޖޫސްތަކާއި، ތާޒާ ޖޫސް ހިމެނެއެވެ. މިތަނުން ދަ ބޭކަރސްގެ އެހެން އައުޓްލެޓްތަކުން ލިބޭ ހުރިހާ ޚިދުމަތެއް ލިބިގެންދާނެއެވެ. އަދި ދާދިއަވަހަށް ޚާއްސަ އައިސްޓީ އެއް ތައާރަފްކުރާނެކަން އޭނާ ވަނީ ފާހަގަކުރައްވާފައެވެ.
ދަ ބޭކަރސްގެ މި އައުޓްލެޓަކީ ތަފާތު އަދި ހިތްގައިމު އިންޓީރިއާއަކާއި އެކު ތައްޔާރުކޮށްފައިވާ، ހުރިހާ އުމުރުފުރާތަކަކަށް ކަމުދާނެ ފަދަ ކެއިންބުއިމުގެ ބާވަތްތައް ލިބެން ހުރި ތަނެކެވެ. އަދި މިތަނުން ލިބެން ހުރި ޕްރޮޑަކްޓްތަކަކީ މާކެޓް ރޭޓްތަކަށް ބަލާ އިރު އަގު ހެޔޮ އެހެން ނަމަވެސް މީރު ރަހަތައް އެކުލެވޭ ބާވަތްތަކެކެވެ.
ދަ ބޭކަރސްގެ މި އައުޓްލެޓްގެ އިތުރުން ދެން ހުޅުވާފައިވާ އައުޓްލެޓްތަކުގެ ތެރޭގައި ހިމެނެނީ މއ.އަހްމަދިއްޔާ ކައިރީގައި ހުރި އައުޓްލެޓާއި، ގ.ސަހަރާ ކައިރީގައި ހުރި އައުޓްލެޓް އަދި ލޮނުޒިޔާރަތް މަގު ކަލާފާން ކައިރީގައި ހުރި އައުޓްލެޓްގެ އިތުރުން ހުޅުމާލެ ރެހެނދި ސްކޫލް ކައިރީގައި ހުރި ދަ ބޭކާސްގެ އައުޓްލެޓްއެވެ.
