ކުޅުދުއްފުށި ސިޓީގެ ފަޅުތެރެއިން ހަބަރު ހުސްވެފައި އޮއްވައި ފެނުނު މީހާގެ ޕޯސްޓްމޯޓަމް ހަދަން ނިންމައިފިއެވެ.

ފުލުހުން ބުނެފައިވަނީ އެމީހާގެ ހަށިގަނޑު ޕޯސްޓްމޯޓަމް ހެދުމަށްޓަކައި ރާއްޖެއިން ބޭރަށް ފޮނުވާލުމުގެ މަސައްކަތް ކުރަމުންދާކަމަށެވެ.

މި މައްސަލައާ ގުޅޭ ތަޙުޤީޤު ކުރިއަށްދާ ކަމަށާއި، އިތުރު މަޢުލޫމާތު ލިބުމުންދާ ވަރަަކަށް އާންމުންނާ ހިއްސާކުރާނެ ކަމަށްވެސް ފުލުހުން ބުނެފައިވެއެވެ.

ކުޅުދުއްފުށި ސިޓީ އިން ހަބަރު ހުސްވެފައި އޮތް މީހަކު ފެނިފައިވާ އިރު، ދާދި ފަހުން ހެންވޭރު ގެސްޓްހައުސް އެއްގެ ތެރެއިން ވެސް ޒަޚަމްތަކަކާއެކު އޮތް މީހަކު ފެނިފައިވެއެވެ. އަދި އަންގާރަ ދުވަހު ވަނީ ނ ހޮޅުދޫގައި ކަރުގައި ވަޅި އަޅާފައި އޮތް އަންހެނަކު ފެނިފައެވެ.