ވިލާ ކޮލެޖުގެ ފެއަރ "ކެމްޕްސް ކުއެސްޓް" އަންނަ އާދިއްތަ ދުވަހު ބޭއްވުމަށް ނިންމައިފިއެވެ.

ވިލާ ކޮލެޖުން ބުނީ "ކެމްޕަސް ކުއެސްޓް" ގެ ނަމުގައި މި އަހަރު އޯ ލެވެލެ ނިމުނު ދަރިވަރުންނާއި، އޭލެވެލް ނިމިފައި ތިބި ދަރިވަރުނަށް ޚާއްސަކޮށްގެން ފެއަރއެއް ބޭއްވުމަށް ހަމަޖެހިފައިވާ ކަމަށެވެ. މި ފެއަރ ބޭއްވުމަށް ހަމަޖެހިފައިވަނީ 18 އޮގަސްޓް 2024 ވާ އާދީއްތަ ދުވަހު ވިލާ ކޮލެޖުގެ މާލޭގައި ހުންނަ ކެމްޕަހުގައި މެންދުރު 2:00ން ހަވީރު 6:00ށެވެ.

ކެމްޕަސް ކުއެސްޓް ފެއާ ފަރުމާކޮށްފައިވަނީ އެކި އެކި ޑިސިޕްލިންތަކުން އިންޓަރެކްޓިވް އަދި އިމަރސިވް އިލްމީ ހަރަކާތްތަކާއިއެކު ފެއަރއަށް ޒިޔާރަތްކުރާ ފަރާތްތަކަށް އަމަލީގޮތުން ބައިވެރިވެރިވެވޭނެ ގޮތަށް ކަމަށް އެކޮލެޖުން ބުނެއެވެ. މީގެ ސަބަބުން ފެއަރގެ ބައިވެރިންނަށް އާ ހުނަރެއް ދަސްވުމުގެ ފުރުސަތާއި ކޮލެޖުގެ ތައުލީމީ ވެށި ބިނާ ކުރެވިފައިވާ ގޮތް ތަޖުރިބާ ކޮށްލުމުގެ ފަރުސަތު ލިބިގެން ދާނެ ކަމަށް ވިލާ ކޮލެޖުން ބުނެއެވެ.

މި ފެއަރ ގައި ތަފާތު އައު ތަޖުރިބާތަކާއެކު އީޖާދީ ވަގުތުކޮޅެއް ހޭދަކޮށްލުމަށް ހުރިހާ ފަރާތްތަކަށް އެކޮލެޖުން ވަނީ ދައުވަތުދީފައެވެ.