ބަންގްލަދޭޝްގައި ހިނގަމުންދާ ހަމަ ނުޖެހުންތަކުގެ ސަބަބުން ފުލުހުންނާ ފުލުހުންގެ އާއިލާ ތަކަށް ނުރައްކާ ވެފައިވާ ކަމަށް ބުނެ އިހްތިޖާޖު އިއުލާން ކޮށްފިއެވެ.
ބަންގްލަދޭޝްގެ ފުލުހުންގެ ޖަމްއިއްޔާ, ބަންގްލަދޭޝް ޕޮލިސް ސާވިސް އެސޯސިއޭޝަން އިން އަންގާރަ ދުވަހު އާންމު ކުރި ބަޔާނެއްގައި ބުނެފައިވަނީ "ކޮންމެ ފުލުހަކަށް ރައްކައުތެރިކަން ކަށަވަރު ކުރުމަށް" އިހްތިޖާޖު ކުރަން ނިންމައިފި ކަމަށެވެ.
މި ޖަމްއިއްޔާ އަކީ ބަންގްލަދޭޝްގެ އެތައް ހާސް ފުލުހުން ތަމްސީލް ކުރާ ޖަމްއިއްޔާ އެއް ކަމަށް ރިޕޯޓްތައް ބުނެއެވެ.
ޖަމްއިއްޔާގެ ބަޔާނުގައި ބުނެފައިވަނީ ބޮޑު ވަޒީރު ކަމުން ޝޭޚް ހަސީނާ އިސްތިއުފާ ދެއްވުމާއެކު، ހޯމަ ދުވަހު އެކަނިވެސް 450 ޕޮލިސް ސްޓޭޝަނަށް މުޒާހަރާ ކުރާ މީހުން ހަމަލާދީފައިވާ ކަމަށެވެ. އޭގެ އިތުރުން މުޒާހަރާތަކުގެ ތެރޭގައި އެތައް ފުލުހަކު މަރުވެފައިވާ ކަމަށްވެސް ބަޔާނުގައި ވެއެވެ.
އަންގާރަ ދުވަހުން ފެށިގެން މަގުތައް ބަލަހައްޓާ ޓްރެފިކް ފުލުހުން ނުނުކުންނަ ކަމަށާއި މަގުތަކުގެ ޓްރެފިކް ބަލަހައްޓަނީ މުޒާހަރާ އަށް ނުކުތް ޔުނިވަރސިޓީ ދަރިވަރުން ކަމަށް ބީބީސީ އިން ބުނެފައިވެއެވެ.
