އޮލިމްޕިކްސް އަށް ދިޔަ ސަމޯއާގެ ބޮކްސިން ކޯޗް ކުއްލި ގޮތަކަށް ޕެރިސް އޮލިމްޕިކްސް ވިލެޖް ގައި މަރުވެއްޖެ ކަމަށް އޮފިޝަލުން ހާމަ ކޮށްފިއެވެ.
ލަޔަނެލް އެލީކާ މަރުވީ އޮލިމްޕިކްސް ހުޅުވުމުގެ ރަސްމިއްޔާތު ފެށުމަށް ކުޑަ ވަގުތު ކޮޅަކަށް ވެފައި ވަނިކޮށް ހުކުރު ދުވަހު ހާޓް އެޓޭކެއް ޖެހިގެން ކަމަށް އޮފިޝަލުންނާ ހަވާލާދީ އޭއެފްޕީ އިން ބުނެފައިވެއެވެ.
އޭނާ އަށް އިމެޖެންސީ ކޮށް ފަރުވާ ދިން ނަމަވެސް ފުރާނަ ސަލާމަތް ކުރެވޭ ގޮތް ނުވި ކަމަށް މި ޚަބަރުގައި ވެއެވެ.
މި އަހަރުގެ އޮލިމްޕިކްސްގެ ބޮކްސިން އިވެންޓްތައް ފެށުނީ ހޮނިހިރު ދުވަހުއެވެ.
ދެކުނު ޕެސިފިކްގެ ޖަޒީރާ ގައުމެއް ކަމަށްވާ ސަމޯއާ އިން މި އަހަރުގެ އޮލިމްޕިކްސް އަށް 24 އެތުލީޓުން ފޮނުވާފައިވާއިރު ބޮކްސިންގ ގައި ބައިވެރިވަނީ އެންމެ އެތްލީޓެކެވެ.
