ބުދަ ދުވަހުން ފެށިގެން މޫސުން ގޯސްވާނެ ކަަމަށް ލަފާކުރެވޭތީ އެކަމަށް ސަމާލުވުމަށް މޫސުމާއި ބެހޭ ގައުމީ އިދާރާއިން އިލްތިމާސްކޮށްފިއެވެ.
މޫސުމާއި ބެހޭ ގައުމީ އިދާރާއިން ބުނެފައި ވަނީ މިހަފްތާގެ ބުދަ ދުވަހުން ފެށިގެން ރާއްޖޭގެ އެކި ސަރަހައްދުތަކަށް ވިއްސާރަވާނެ ކަމަށެވެ.
އެ އިދާރާއިން އިތުރަށް ބުނެފައި ވަނީ ރާއްޖޭގެ ކަނޑުތައްވެސް ގަދަވެ ވިލާގަނޑުގައި ގަދަވާނެކަމަށް ލަފާކުރެވޭ ކަމަށެވެ.
މީގެއިތުރުން، ރާޅު އުސްމިން ހުންނާނީ 3 ފޫޓާއި 7 ފޫޓުގެ ދެމެދުގައިކަމަށްވެސް އެ އިދާރާއިން ވަނީ ބުނެފައެވެ.
ބުދަ ދުވަހުން ފެށިގެން މޫސުން ގޯސްވާނެ ކަމަށް ލަފާކޮށްފައި ވާއިރު މި ދުވަސްވަރަކީ ޢީދުގެ މުނާސަބަތުގައި ގިނަ ހަރަކާތްތަކެއް ހިންގާ ދުވަސްވަރެކެވެ. އަދި މިއީ ގިނަ ބަޔަކު ކަނޑު ދަތުރުފަތުރު ކުރާ ދުވަސްވަރެކެވެ.
