ދިވެހިންގެ މެދުގައި އެންމެ މަގުބޫލު މަންޗީ މާރީ ބިސްކޯދުގެ ޚާއްސަ ޕްރޮމޯޝަނެއް ޕިރަމިޑުން ފަށައިފިއެވެ.

ކުރިއަށް އޮތް ރޯދަ މަހާ ދިމާކޮށް ފެށި މި ޕްރޮމޯޝަނުގެ ދަށުން މަންޗީ މާރީ އަދި ރިޓްސްބަރީ ކުކިން ޗޮކްލެޓު ހިމެނޭ ހާއްސަ ބަންޑަލް ޕެކް ލިބޭނެއެވެ.

މި މަހުގެ 15 އިން އޭޕްރީލް މަހުގެ ނިޔަލަށް ކުރިއަށް ގެންދާ މި ޕްރޮމޯޝަނުގެ މުއްދަތުގައި މެލޭޝިއާގެ މަޝްހޫރު ޖޫސް، ފުރުޓް އޭސް ބްރޭންޑުގެ މެންގޯ ފްލޭވާ ހާއްސަ އަގެއްގައި ލިބޭނެއެވެ. މި ޖޫހުގެ 12 ފުޅީގެ ކޭސް 560 ރުފިޔާއަށް މި މުއްދަތުގައި ލިބޭނެއެވެ.

މަންޗީ ބިސްކޯދަކީ ދިވެހިންގެ އިތުރުން ދުނިޔޭގައި ވެސް މަގުބޫލު ބިސްކޯދެކެވެ. އެގޮތުން ސްރީލަންކާ ސަރުކާރުންދޭ ލްރައުން އެވޯޑު މަންޗީ އަށް ލިބިފައިވާއިރު ދުނިޔޭގެ 60 އަށް ވުރެ ގިނަ ގައުމުގައި މަންޗީ އިން ވަނީ ކަސްޓަމަރުންގެ މަގުބޫލުކަން ހޯދައިފައެވެ.

މަންޗީ އަކީ 1968 ވަނައަހަރު އުފެއްދި ސްރީލަންކާ ބިސްކިޓް ލިމިޓެޑު (ސީބީއެލް)ގެ އުފެއްދުމެކެވެ. އެ ކުންފުންޏަކީ އެ ގައުމުގެ އެންމެ ބޮޑު ވިޔަފާރި ކުންފުނިތަކުގެ ލިސްޓްގެ ކުރީގައި އަބަދުވެސް ހިފައްޓާ އަދި އެކްސްޕޯރޓް ވިޔަފާރީގެ ވަރުގަދަ މައި އެއްތަނބު ވެސްމެއެވެ.

ޕިރަމިޑްގެ ރޯދަޕްރޮމޯޝަނާއި ގުޅޭގޮތުން ރާއްޖެއެމްވީއަށް މައުލޫމާތު ދެމުން އޭރީސް އެންޓަރޕްރައިސަސް ޕްރައިވެޓް ލިމިޓެޑްގެ މާކެޓިންގ މެނޭޖަރު މުހައްމަދު ސޮބާހު ވިދާޅުވީ މި ރޯދަމާ ދިމާކޮށްވެސް ހާއްސަ ޕްރޮމޯޝަނެއް ކުރިއަށްގެންދާ ކަމަށެވެ. އެގޮތުން 4 ކަމަކަށް ފޯކަސްކޮށްގެން 3 ބްރޭންޑެއްގެ ޕްރޮމޯޝަން ކުރިއަށްދާ ކަމަށެވެ. އެގޮތުން ބަންޑަލް ޕެކް މިފަހަރުގެ ރޯދަ މަހުގައިވެސް ލިބޭނެ ކަމަށާއި، މި ޕްރޮމޯޝަނުގެ ދަށުން 200ގ ގެ ރިޒްބަރީ ކުކިން ޗޮކްލެޓާއެކު 400ގ މާރީ ޕެކެޓެއް ލިބޭނެ ކަމަށެވެ.

ޕިރަމިޑުން ރާއްޖޭގެ ބާޒާރަށް ގެނެސްދޭ ބްރޭންޑުތަކުގެ ތެރޭގައި މަންޗީ ބިސްކޯދު، ޓުޑޭސްޓް ސައިފަތް، ޒީބާ ބާސްމަތީ ރައިސް ހިމެނެއެވެ.

މީގެ އިތުރުންވެސް ދުނިޔޭގެ ނަން މަޝްހޫރު ބްރޭންޑުތަކުގެ ކާނާގެ ބާވަތްތައް ޕިރަމިޑުން ދިވެހިންނާއި ހަމައަށް ގެނެސްދެއެވެ.