ހަތަރު ދުވަހުގެ ދަތުރެފުޅެއްގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު އައްޑޫސިޓީ އަށް ވަޑައިގަންނަވަން ހަމަޖެހިއްޖެއެވެ.
ރައީސް އައްޑޫސިޓީ އަށް ވަޑައިގަންނަވަނީ އާދީއްތަ ދުވަހު އެވެ. މިއީ އާއްމުންގެ ހާލު ބައްލަވައި، އާންމުންގެ އަޑު އެއްސެވުމަށް ކުރައްވާ ދަތުރުފުޅެއް ކަމަށް ރައީސް އޮފީހުން ބުނެއެވެ. އަދި މި ދަތުރުފުޅުގެ ތެރެއިން އައްޑޫގެ ގިނަ ރަށްރަށަށް ވަޑައިގަތުމަށް ހަމަޖެހިފައިވާ ކަމަށް ރައީސް އޮފީހުން ވަނީ ބުނެފައެވެ.
މީގެ ކުރިން ރައީސް ވަނީ ތ. އަތޮޅުގެ ބައެއް ރަށްރަށަށް ޒިޔާރަތްކުރައްވާފައެވެ. އެގޮތުން ތ. އަތޮޅުގެ ޖުމްލަ 10 ރަށަކަށް ރައީސް ވަނީ ވަޑައިގަންނަވާފައެވެ.
