ގަލަހާގެ ދެ ލަނޑާއެކު ކްރިސްޓަލް ޕެލަސް ބަލިކޮށް, އިނގިރޭސި ޕްރިމިއަރ ލީގު ތާވަލްގެ މެދަށް ޗެލްސީ ޖެހިލައިފި އެވެ.

މި ސީޒަންގައި ނަތީޖާތައް ގޯސް, އަދި ތާވަލްގެ ފަހަތުގައި އޮތް ޗެލްސީން ކްރިސްޓަލް ޕެލަސް ބަލިކުރީ ފަހަތުން އަރާ 3-1 ނެވެ. ޕެލަސްގެ ދަނޑުގައި ކުޅުނު މެޗުގައި ފުރަތަމަ ލަނޑު ޖަހާ ކުރިހޯދީ ކްރިސްޓަލް ޕެލަސް އިންނެވެ. އެޓީމަށް ލަނޑު ޖަހައިދިނީ ފުރަތަމަ ހާފްގައި ލާމާ އެވެ. ގަލަހާ ޗެލްސީ އަށް ނަތީޖާ ހަމަހަމަ ކޮށްދިނީ ދެވަނަ ހާފް ފަށައިގެން ދެވަނަ މިނިޓްގައެވެ. މެޗުގެ އިތުރު ވަގުތުގެ ފުރަތަމަ މިނިޓްގައި ލީޑް ނަގައިދިނީ ވެސް ގަލަގާ އެވެ. ލީޑް ފުޅާކޮށްދިނީ އިތުރު ވަގުތުގެ ހަތަރު ވަނަ މިނިޓްގައި އެންޒޯ ފާނަންޑޭޒް އެވެ.

މޮޅާއެކު ޗެލްސީ ތާވަލްގެ 10 ވަނައިގައި އޮތީ 34 ޕޮއިންޓާ އެކުއެވެ. ރޯއީ ހޮޖްސަންގެ ކްރިސްޓަލް ޕެލަސް އޮތީ 24 ޕޮއިންޓާއެކު 15 ވަނައިގަ އެވެ.