ސްނޯގެ ތޫފާންތަކާއި ގަނޑުފެނުގެ ވާރޭގެ ސަބަބުން ޗައިނާގެ ބޮޑު ސަރަހައްދެއްގައި ދަތުރު ފަތުރަށް ވަރަށް ބޮޑަށް ބުރޫއަރައިފިއެވެ. މިކަން ދިމާވެފައިވަނީ ޗައިނާގައި ކޮންމެ އަހަރަކު ފާހަގަ ކުރާ އެންމެ ބޮޑު ޗުއްޓީ "ލޫނާ ނިއު އިޔަރ" އާދިމާކޮށް އާއިލާތަކާ ބައްދަލް ކުރުމަށް އެތައް މިލިއަން ބަޔަކު ދަތުރު ތައް ފަށާފައިވަނި ކޮށެވެ. ފައިބަމުންދާ ސްނޯގެ ސަބަބުން އެތައްސަތޭކަ ފްލައިޓް އަދި ރޭލު ދަތުރުތައް ކެންސަލް ކޮށްފައިވާއިރު، ހައިވޭތަކަށް އެޅިފައިވާ ފެން، ގަނޑު ވެފައިވާތީ ވެހިކަލްތަކުގައި ދަތުރު ކުރުން ވެސް ރައްކާތެރި ނޫންކަމަށް ވަނީ އަންގާފައެވެ. ސީސީ ޓީވީ އިން ރިޕޯޓް ކޮށްފައިވާ ގޮތުގައި ހަތަރު ހާހެއްހާ ވެހިކަލް މަގުތަކުމަތީގައި ވަނީ ބަންދު ވެފައެވެ.

ފްލައިޓް ތަކާ ރޭލު ދަތުރު ތައް މެދުކަނޑާލުމާއި ގުޅިގެން އެތައްހާސްބަޔަކުވަނީ އެއާޕޯޓްތަކާ ރޭލު ސްޓޭޝަން ތަކުގައިވެސް ބަންދުވެފައެވެ.

މަގުތަކުގައި ބަންދުވެފައިވާ މީހުންނަށް ކާބޯތަކެއްޗާއި ހޫނުފެން ފަދަ ތަކެތި ފޯރުކޮށް ދިނުމުގެ ޚިދުމަތުގައިވެސް ގިނަ ބަޔަކު ހަރަކާތްތެރިވަމުންދާ ކަމަށް ޚަބަރުތައް ބުނެއެވެ. އަދި އެފަދަ ފަރާތްތަކަށް ޝުކުރު އަދާކޮށް އެކްސްގައި  ދަނީ މެސެޖްތައް ޕޯސްޓް ކުރަމުންނެވެ.

އިދާރާތަކުން އަންދާޒާ ކުރާގޮތުގައި "ލޫނާ ނިއު އިޔަރ" ޗުއްޓީގައި 480 މިލިއަނެއްހާ ދަތުރު ކުރާނެކަމަށް ބެލެވެއެވެ.މިއީ މިދިޔަ އަހަރަށް ވުރެ 40 އިންސައްތަ އިތުރު އަދަދެކެވެ. ކޮވިޑް 19 އަށް ފަހު ބޯޑަރުތައް ހުޅުވާލުމުންވެސް ޗައިނާގައި ވަރަށް ބޮޑަށް ދަތުރު ފަތުރު އިތުރު ވެގެން ގޮސްފައި ވެއެވެ.

ޗައިނާގެ މޫސުމާބެހޭ އިދާރާއިން ބުނެފައިވާ ގޮތުގައި މިއަހަރުގެ ފިނި މޫސުމަކީ 2008ވަނަ އަހަރަށްފަހު ފިނިހޫނުމިން އެންމެ ދަށަށް ދިޔަ ފިނި މޫސުމެވެ. ފިނީގެ އަސަރު އެންމެ ބޮޑަށް ކޮށްފައިވަނީ ޗައިނާގެ މެދުތެރޭގެ ސަރަހައްދު ތަކަށެވެ. މިފިނި މޫސުމުގައި ޗައިނާގެ 255ސިޓީ އަކަށް ޑެއިލީ އެވަރެޖް ޓެމްޕަރޭޗަރ ސުން ޑިގްރީ އަށް ވުރެ ދަށަށް ގޮސްފައި ވެއެވެ.

ލޯކަލް މާރުކޭޓެއްގެ ފުރާޅަށް ސްނޯބަރުވުމުގެ ސަބަބުން ފުޅާޅު ވެއްޓި ހިގި ހާދިސާއެއް ގައި އެކަކު މަރުވެ 13 މީހުންނަށް އަނިޔާވެފައި ވެއެވެ.

ހައިވޭތަކާ މަގުތަކުން ސްނޯ ކަހާ، ދަތުރު ފަތުރު ކުރެވޭނެ ގޮތް ހެދުމަށް 20 މިލިއަން ޑޮލަރު ހޭދަކުރާނެ ކަމަށް ޗައިނާގެ މައި ސަރުކާރުން ބުނެފައި ވެއެވެ.

ލޫނަރ ނިއުއިޔަރ ފެށެނީ ފެބްރުއަރީ 10ވަނަ ދުވަހުއެވެ.