އިނގިރޭސި ޕްރިމިއަރ ލީގުގައި ވެސްޓް ހޭމް ޔުނައިޓެޑުން އާސެނަލް ބަލިކޮށްފިއެވެ.

މެޗުން މޮޅުވެގެން އަލުން އެއްވަނަ ހޯދެން އޮތް އާސެނަލް ބަލިވުމުން, އެޓީމް ވަނީ ދެވަނަ އަށް ސޮއްސާލާފައެވެ. އެއްވަނައިގައި އޮތީ ދެ ޕޮއިންޓްގެ ލީޑަކާ އެކު ލިވަޕޫލެވެ. ތިންވަނައިގައި އޮތް އެސްޓަން ވިލާގެ މައްޗަށް ޕޮއިންޓެއްގެ ލީޑެއް ހޯދައިގެން އާސެނަލްއޮތީ ދެވަނައިގައެވެ. ވެސްޓް ހޭމް ޔުނައިޓެޑް އޮތީ ހަވަނައިގައެވެ. އެއީ 33 ޕޮއިންޓާ އެކުއެވެ.

ވެސްޓް ހޭމް ޔުނައިޓެޑުން އާސެނަލް ބަލިކުރީ 2-0 ނެވެ. ފުރަތަމަ ލީޑް ނެގީ މެޗު ފަށައިގެން 13 ވަނަ މިނިޓްގައި ތޯމަސް ސޫސެކް އެވެ. ދެވަނަ ހާފް ފަށައިގެން 10 ވަނަ މިނިޓްގައި ދެވަނަ ލަނޑު ޖެހީ އާސެނަލްގެ ކުރީގެ ސެންޓަރ ބެކް ކޮސްޓަންތީނޯސް އެވެ. ތިންވަނަ ލަނޑެއް ޖަހަން ރަނުގެ ފުރުޞަތެއް ވެސް ވެސްޓް ހޭމް އަށް ލިބުނެވެ. މެޗުގެ އިތުރު ވަގުތުގައި ލިބުނު ޕެނަލްޓީ ބެންރަހުމާ ފޮނުވާލުމުން އާސެނަލް ކީޕަރު މަތަކުރީއެވެ. މުޅި މެޗުގައިވެސް ވެސްޓް ހޭމް އިން އާސެނަލްގެ ގޯލާ އަމާޒުކޮށް ފޮނުވާލެވުނީ ތިން ބޯޅަ އެވެ.