ފަތުރުވެރިކަމުގެ އެންމެ ބާރުބޮޑު މޫސުމާ ކުރިމަތިލިއިރު، އެމްއޭސީއެލް އިން ވެލާނާ އެއާޕޯޓުގެ ޕްރައިވެޓް ޖެޓު ޕާކިން، 39 އިން 68 އަށް ބޮޑުކޮށްފިއެވެ.

އެމްއޭސީއެލް އިން ނެރުނު ބަޔާނެއްގައި ބުނީ ފަތުރުވެރިކަމުގެ ޕީކް ސީޒަންއަށް އައިއިރު، ވެލާނާ އެއާޕޯޓުގައި މިހާރު 68 ޕްރައިވެޓް ޖެޓް ޕާކުކުރުމުގެ އިންތިޒާމު އެ ކުންފުނިން ހަމަޖައްސާފައިވާ ކަމަށެވެ.

އެގޮތުން ބުރާސްފަތި ދުވަހު އެކަނިވެސް، އެ އެއާޕޯޓުގައި 38 ޖެޓެއް ޕާކުކުރިއިރު، އެއީ އެ އެއާޕޯޓުގައި އިތުރުކުރެވުނު ޖެޓް ޕާކިން ސްލޮޓްތަކުގެ ސަބަބުންނެވެ.

އެގޮތުން އިތުރު ކުރެވުނު ސްލޮޓްތަކުގެ އަދަދުތައް ހާމަކުރަމުން އެމްއޭސީއެލް އިން ބުނި ގޮތުގައި:

އެމްއޭސީއެލް އިން ޕީކް ސީޒަނަށް ތައްޔާރުވުމުގެ ގޮތުން ޖެޓް ޕާކު ކުރާނެ ސްލޮޓުތައް އިތުރު ކުރުމުގެ މަސައްކަތް ކުރަމުން އަންނަތާ ދުވަސްތަކެއް ވެފައިވާއިރު، އެ މަސައްކަތް ކުރުމުގެ ބޭނުމަކީ  ޕީކް ދުވަސްވަރު ވައިގެ ދަތުރުފަތުރުގެ ޑިމާންޑް އިތުރުވަމުންދާތީ އޮޕަރޭޝަންތަކާއި ޚިދުމަތްތައް ފުޅާކުރުން ކަމަށް އެ ކުންފުނިން ބުނެއެވެ.

މި އަހަރެކޭ އެއްގޮތަށް، މިދިޔަ އަހަރުތަކުގައި ވެސް ރާއްޖޭގެ ޕީކް ދުވަސްވަރު ނުވަތަ، ފިނި މޫސުމާ ދިމާވާ ދުވަސްވަރުގައި ރާއްޖެއަށް އަންނަ ފަތުރުވެރިންގެ އަދަދުތައް އިތުރުވެއެވެ. މިހާރު ރާއްޖެއަށް އަންނަ ފަތުރުވެރިންގެ އަދަދުތައް ހުރީ ދުވާލަކަށް ފަސްހާހަށް ވުރެ މަތީގައެވެ.