ރާއްޖޭގެ ޝަރުއީ ކޯޓުތަކުގައި ހިނގަމުންދާ މައްސަލަތައް ލަސްވާ ސަބަބު ދެނެގަންނަން ޖުޑީޝަލް ސަރވިސް ކޮމިޝަން (ޖޭއެސްސީން) ޚާއްސަ ކޮމިޓީއެއް އުފައްދައިފިއެވެ.
ޖޭއެސްސީން ވަނީ ޖުޑީޝަލް ސަރވިސް ކޮމިޝަނުގެ ހިންގާ ގަވާއިދަށް 1 ވަނަ އިޞްލާޙު ގެނައުމުގެ ގަވާއިދުގައި އެކަން ބަޔާންކޮށް، މި ޤަވާއިދަށް އަމަލުކުރަން ފަށާފައެވެ.
އަލަށް ގެނައި އިސްލާޙުގައި ކޯޓުތަކުގައި ހިނގަމުންދާ މައްސަލަތައް ލަސްވާ ސަބަބު ދެނެގަންނަން ދާއިމީ ކޮމިޓީއެއް އެކުލަވާލުމަށް ނިންމާފައިވާއިރު، ޖޭއެސްސީން މިހާރު ވަނީ އެ ކޮމިޓީ އެކުލަވާލާފައެވެ.
ކޮމިޓީގައި ހިމެނިވަޑައިގަންނަވަނީ ޖޭއެސްސީގެ ރައީސް ހިސާން ހުސައިން، ކޮމިޝަންގެ މެންބަރު އަލީ ޝަރީފް އަދި ދާދި ފަހުން ރައީސް އައްޔަނު ކުރައްވާ މެންބަރެއްގެ ގޮތުގައި ކޮމިޝަނަށް އަލަށް ގުޅިވަޑައިގެންނެވި އެ ކޮމިޝަންގެ މެންބަރު މުހައްމަދު ސަމީރެވެ.
