އައްޑޫ ސިޓީ ހިތަދޫ ކައިރީގައި އޮންނަ ފަޅުރަށަކަށް ދަތުރުގޮސް އުޅުނު މީހަކު މަރުވެއްޖެއެވެ.
ފުލުހުން ބުނީ އައްޑޫ ސިޓީ ހިތަދޫ ކައިރީގައި އޮންނަ ފަޅު ރަށެއް ކަމަށްވާ އެއްރުއްހެރައަށް ދަތުރު ގޮސް އުޅުނު މީހެއްގެ ހާލު ދެރަވެގެން، ކޯސްޓްގާޑުގެ އެހީތެރިކަމާއެކު ފޭދޫ ސިއްހީ މަރުކަޒަށް ގެންދިޔަކަމުގެ މައުލޫމާތު ހޮނިހިރު ދުވަހުގެ މެންދުރު 12:55ހާއިރު ލިބިފައިވާކަމަށެވެ.
އެމީހާ ސިއްހީ މަރުކަަޒަށް ގެންދިޔައިރުވެސް މަރުވެފައިވާކަމަށް ސިއްހީ މަރުކަޒުން ފުލުހުންނަށް މައުލޫމާތު ދީފައިވާކަމަށްވެސް ފުލުހުން ބުންޏެވެ.
ފުލުހުން މައުލޫމާތު ދޭގޮތުގައި ދަތުރުގޮސް އުޅެނިކޮށް މަރުވެފައިވަނީ 29 އަހަރުގެ ދިވެހި ފިރިހެނެކެވެ.
