މީޑިއާތައް ހައިޖެކް ނުކުރެއްވުމަށް މަޑުއްވަރީ ދާއިރާގެ މެންބަރު މުހައްމަދު އަމީތް ވިދާޅުވެއްޖެއެވެ.
Media hijack nukuravvaa! Thiya fundaalanee democracy ge 4 vana baaru.
— Mohamed Ameeth (@MohamedAmeeth) July 23, 2017
އަމީތު ކުރެއްވި ޓްވީޓެއްގައި ވިދާޅުވެފައިވަނީ މީޑިއާތައް ހައިޖެކް ނުކުރެއްވުމަށާއި އެކަން އެގޮތަށް ކުރެއްވުމުން ފުނޑާލެވިގެންދަނީ ޑިމޮކްރޮސީގެ ހަތަރުވަނަ ބާރުކަމަށެވެ.
އަމީތު ކުރެއްވި އިތުރު ޓުވީޓެއްގައި ވިދާޅުވެފައިވަނީ އެއްވެ އުޅުމުގެ މިނިވަންކަމާއި ޚިޔާލު ފާޅުކުރުމުގެ މިނިވަންކަން ނުހިފެހެއްޓޭނެކަމަށާއި ޤާނޫނު އަސާސީން ލިބިދޭ އަސާސީ ޙައްޤުތަކުގައި ކަސްތޮޅު ނޭޅުވޭނެކަމަށެވެ.
Evve ulhumuge minivankamaa khiyaalu faalhukurumuge minivankameh nuhifehetteyne. QA in libidhey asaasee hagguthakuga kastholhu neylhuveyne.
— Mohamed Ameeth (@MohamedAmeeth) July 23, 2017
ސުލްހަވެރިކަމާއެކު އެއްވެ އުޅުމުގެ ގާނޫނާ ހިލާފަށް ބާއްވާ މުޒާހަރާތައް ލައިވްކުރާ ފަރާތްތަކާ މެދު ފިޔަވަޅު އަޅަން ބްރޮޑްކާސްޓިން ކޮމިޝަނުން ނިންމައިފިއެވެ. ބްރޯޑްކާސްޓިން ކޮމިޝަނުން މިއަދު މިގޮތަށް ނިންމީ، ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ ބޭރުކުރުމަށް ގޮވާލައި ހޯމަ ދުވަހު މާލޭގައި ބޮޑު މުޒާހަރާއެއް ބޭއްވުމަށް ރާވާއި، މީހުން މާލެ އެރުމަށް ގޮވާލަމުންދަނިކޮށެވެ.
ގުޅިފައިވާ ސިޔާސީ ޕާޓީތަކުން ހޯމަ ދުވަހު ބާއްވަން ނިންމާފައިވާ އެއްވުމަކީ ޣައިރު ގާނޫނީ އެއްވުމެއް ކަމަށާއި އެ އެއްވުމަށް ޖާގަ ނުދޭނެ ކަމަށް ފުލުހުންވަނީ ބުނެފި އެވެ.
