މިއަހަރުގެ ފުރަތަމަ ތިން ކުއާޓަރުގައި ޗައިނާގެ އިޤްތިޞާދު އުންމީދުކުރި ވަރަށްވުރެ މައްޗަށް ހިނގައްޖެ ކަމަށް އެގައުމުގެ މީޑިއާތަކުން ރިޕޯޓްކޮށްފިއެވެ.

ޗައިނާ ގްލޯބަލް ޓެލެވިޒަން ނެޓްވޯކް (ސީޖީޓީއެން) އިން ރިޕޯޓްކޮށްފައިވާ ގޮތުގައި މިދިޔަ ބުދަ ދުވަހު އާންމުކުރި ރަސްމީ ތަފާސް ހިސާބުތަކުން ދައްކާ ގޮތުގައި 2023 ވަނަ އަހަރުގެ ފުރަތަމަ ތިން ކުއާޓަރުގައި ޗައިނާގެ އިގްތިސާދު އަހަރުން އަހަރަށް ބަލާއިރު 5.2 ޕަސެންޓުގެ ރޭޓުން ފުޅާވެފައިވާއިރު، މިއީ އެ ގައުމުގެ ކުރިއެރުމުގެ ދުވެލި މަޑުމަޑުން ކުރިއަރަމުން އަންނަ ކަން އަންގައިދޭ ކަމެކެވެ.

ނޭޝަނަލް ބިއުރޯ އޮފް ސްޓެޓިސްޓިކްސްގެ ޑެޕިއުޓީ ހެޑް ޝެންގް ލައިޔުން ވިދާޅުވި ފަދައިން، އަހަރުގެ ފުރަތަމަ ތިން ކުއާޓަރުގައި މި ކުރިއެރުމުގެ ސަބަބުން ރަމްޒުކޮށްދެނީ ޗައިނާގެ އަހަރީ ކުރިއެރުމުގެ އަމާޒު ފަސް ޕަސެންޓަށް ވާސިލުވުމަށް ހަރުދަނާ ބިންގަލެއް ގާއިމުކުރެވިފައިވާ ކަމެކެވެ.

ތިން ވަނަ ކުއާޓަރުގައި ޗައިނާގެ އިގްތިސާދު ހަލުވިވެ، 4.9 އިންސައްތަ އިގެ ކުރިއެރުމެއް ލިބި، 4.4 އިންސައްތައިގެ ކުރިއެރުމެއް އަންނާނެ ކަމަށް އެނަލިސްޓުން ލަފާކުރާ މިންވަރަށްވުރެ މައްޗަށް ގޮސްފައިވާ ކަމަށް ރޮއިޓާސް އިން ކުރިއަށް ގެންދިޔަ ޕޯލްއަކުންވެސް ވަނީ ދައްކައިފައެވެ.

ޖޭއެލްއެލް ގްރޭޓާ ޗައިނާގެ ޗީފް އިކޮނޮމިސްޓް އަދި ހެޑް އޮފް ރިސާޗް ބްރޫސް ޕެންގް ވަނީ ޗައިނާގެ ރިކަވަރީއާ ބެހޭ ގޮތުން ވާހަކަ ދައްކަވައި، މިއީ މިހާރަށް ވުރެ ރައްކާތެރި ފިޔަވަޅެއްގައި އަލުން ކުރިއަރަމުން އަންނަ ސްޕީޑެއް ކަމަށް ވިދާޅުވެފަ އެވެ. ޕެންގް ފާހަގަކުރެއްވި ގޮތުގައި މި ކުރިއެރުމަށް މަގުފަހިވީ ހޫނު މޫސުމުގައި ކަސްޓަމަރުން ކުރާ ހޭދަ އިތުރުވެ، ސިނާއީ އުފެއްދުންތެރިކަން ލަފާކުރި ވަރަށް ވުރެ ވަރުގަދަވުމުންނެވެ.

ޖެނުއަރީ މަހުން ފެށިގެން ސެޕްޓެމްބަރު މަހުގެ ނިޔަލަށް ޗައިނާއިން ވަނީ ފިކްސްޑް އެސެޓް އިންވެސްޓްމަންޓްގެ ކުރިއެރުން އަހަރުން އަހަރަށް 3.1 ޕަސެންޓް އިތުރުވެފަ އެވެ. މި މުއްދަތުގައި ވެލިއު އެޑެޑް އިންޑަސްޓްރިއަލް އައުޓްޕުޓް 4.0 އިންސައްތަ އިތުރުވެ، ކޮންސިއުމަރ މުދަލުގެ ރީޓެއިލް ސޭލްސް 6.8 އިންސައްތަ އިތުރުވެފައިވާއިރު، މި ހުރިހާ ކަމެއްވެސް އެނަލިސްޓުން އަންދާޒާކުރި މިންވަރަށްވުރެ ވަނީ އިތުރުވެފައެވެ.

މީގެ އިތުރުން ޝެންގް ވަނީ އާބަން އެމްޕްލޯއިމެންޓް ރޭޓްގައި ރަނގަޅު ޓްރެންޑެއް ހުރި ކަން ފާހަގަކުރައްވައި، ސެޕްޓެމްބަރު މަހު 0.2 ޕަސެންޓް ދަށްވެ 5.0 ޕަސެންޓަށް އަރާފައި ވާކަން ފާހަގަ ކުރައްވާފަ އެވެ.

ތިންވަނަ ކުއާޓަރުގައި ޗައިނާއިން ވަނީ ޑިމާންޑް ފުޅާކޮށް މާކެޓް ކޮންފިޑެންސް އިތުރުކުރުމަށް އަމާޒުހިފާފައިވާ ފިޔަވަޅުތައް އަޅާފައެވެ. މި ފިޔަވަޅުތަކުގެ ތެރޭގައި ރިޒާވް ރިކުއަމެންޓް ރޭޝިއޯ ކަނޑާލުމާއި ޕްރޮޕަޓީ މާކެޓްގައި އަޅާފައިވާ ފިޔަވަޅުތަކަށް ލުއިދިނުން ހިމެނެއެވެ.

ބްރޫސް ޕެންގް ވިދާޅުވި ގޮތުގައި ޗައިނާގެ ރިކަވަރީގެ ޓްރެޖެކްޓަރީ ދެމެހެއްޓުމަށް ޓަކައި މަނިޓަރީ ސްޓިމިއުލަސްގެ ބަދަލުގައި ފިސްކަލް އަދި އިންޑަސްޓްރިއަލް ސިޔާސަތުތަކަށް ބަރޯސާވުމަކީ ކޮންމެހެން ކުރަން ޖެހޭ ކަމެކެވެ. އަދި ޕޮލިސީ ސަޕޯޓަކީ މަޑުމަޑުން އަދި އެއްހަމައެއްގައި އޮންނަން ޖެހޭ ކަމެއް ކަމަށް އޭނާ ލަފާ ދެއްވި އެވެ.

އިންޓަނޭޝަނަލް މަނިޓަރީ ފަންޑް (އައިއެމްއެފް) އިން އަންދާޒާކޮށްފައިވާ ގޮތުގައި ޗައިނާގެ އިގްތިސާދު 2023 ވަނަ އަހަރު ފަސް ޕަސެންޓުގެ ކުރިއެރުމެއް ލިބޭނެ ކަމަށް ސަރުކާރުން ލަފާކޮށްފައިވާ ގޮތުގެ މަތިން، ޗައިނާގެ އިގްތިސާދީ ރިކަވަރީގެ ރެޒިލިއަންސް ދައްކުވައިދެ އެވެ.