ރާއްޖެއިން ބޭރުގައި ވޯޓުފޮށި ބަހައްޓާ ޤައުމުތަކުގައި ވޯޓުނެގުމަށް ހަމަޖެހިފައިވާ ވަގުތުތައް ހާމަކޮށްފިއެވެ.
އިލެކްޝަންސް ކޮމިޝަނުން ބުނީ ރިޔާސީ އިންތިޚާބުގެ ދެވަނަ ބުރުގައި ޖުމްލަ 586 ވޯޓް ފޮށި ބަހައްޓާނެ ކަމަށެވެ. ރީ-ރަޖިސްޓްރޭޝަނަށްފަހު ޖުމްލަ 12 ފޮށި އިތުރުވިއެވެ. ފުރަތަމަ ބުރުގައި ޖުމްލަ ބެހެއްޓީ 574 ވޯޓް ފޮއްޓެވެ.
އިލެކްޝަންސް ކޮމިޝަނުން ބުނީ ދެވަނަ ބުރުގައި އިތުރުވީ މާލޭގައި 4 ވޯޓް ފޮށި، ހުޅުމާލެ ފޭސް އެކެއްގައި 2 ފޮށި، ހުޅުމާލެ ފޭސް ދޭއްގައި 4 ފޮށި، ވިލިމާލޭގައި 1 ފޮށި އަދި އިންޑިއާގެ ޓްރިވެންޑްރަމްގައި 1 ފޮށި ކަމަށެވެ.
ބޭރުގައި ބަހައްޓާ ވޯޓު ފޮށިތަކުގެ ވޯޓުލުން ފެށޭނެ ގަޑިތައް:
- އެކުވެރި ޢަރަބި ޢިމާރާތް (އަބޫ ދާބީ) - ވޯޓުލުން ފަށާނީ ހެނދުނު 8:00 ގައި އަދި ނިންމާނީ ހަވީރު 5:00 ގައި
- އިންޑިއާ (ޓްރިވެންޑްރަމް) - ވޯޓުލުން ފަށާނީ ހެނދުނު 8:30 ގައި އަދި ނިންމާނީ ހަވީރު 5:30 ގައި
- ސްރީލަންކާ (ކޮލަމްބޯ) - ވޯޓުލުން ފަށާނީ ހެނދުނު 8:30 ގައި އަދި ނިންމާނީ ހަވީރު 5:30 ގައި
- އިނގިރޭސިވިލާތް (ލަންޑަން) - ވޯޓުލުން ފަށާނީ ހެނދުނު 8:30 ގައި އަދި ނިންމާނީ ހަވީރު 5:30 ގައި
- މެލޭޝިއާ (ކުއަލަލަމްޕޫރް) - ވޯޓުލުން ފަށާނީ ހެނދުނު 11:00 ގައި އަދި ނިންމާނީ ރޭގަނޑު 8:00 ގައި
ބޭރުގައި ބަހައްޓާ ވޯޓު ފޮށިތަކުގެ ވޯޓުލާ ގަޑި ބަޔާންކޮށްފައިވަނީ އެ ޤައުމެއްގެ ގަޑިންނެވެ.
