ރާއްޖެއިން މީސަލްސް ނުވަތަ ހިމަބިއްސަށް ޕޮޒިޓިވް ކޭސްއެއް ފެނިފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
އެޗްޕީއޭއިން ބުނީ މީސަލްސް ނުވަތަ ހިމަބިއްސަށް ޕޮޒިޓިވް ކޭސް ފެނިފައިވަނީ މި މަހުގެ 5 ވަނަ ދުވަހު ކަމަށެވެ.
އެޗްޕީއޭއިން ބުނީ މީސަލްސްގެ ޕޮޒިޓިކް ކޭސްއެއް ފެނުމާއި ގުޅިގެން މި ކޭސް އިތުރަށް ތަހުގީގުކުރަމުން ދާކަމަށާއި އެމީހާއާ ކޮންޓެކްޓްވީ ފަރާތްތައް ދެނެގަތުމުގެ މަސައްކަތް މިހާރު ކުރަމުންދާ ކަމަށެވެ.
ކޮންޓެކްޓް ޓްރޭސިންގ ކުރިއަށް ގެންދާއިރު މީސަލްސް ވެކްސިން ފުރިހަމަނުވާ ފަރާތްތައް ދެނެގަނެ، އެފަރާތްތަކަށް ވެކްސިން ދިނުމުގެ މަސައްކަތްވެސް ކުރާނެ ކަމަށްވެސް އެޗްޕީއޭއިން ބުނެއެވެ.
