"ޖަބް ހެރީ މެޓް ސޭޖަލް" އިންޑިއާގެ ސިނަމާތަކުގައި އެޅުވުމުގެ ކުރިން އަޅުވާނީ އަރަބި ގައުމުތަކުގެ ސިނަމާތަކުގައި ކަން ހަމަޖެހިއްޖެއެވެ.
"ޖަބް ހެރީ މެޓް ސޭޖަލް"ގެ ލީޑް ރޯލުން ފެންނަނީ ޝާހުރުކްޚާން އަދި އަނުޝްކާ ޝަރުމާއެވެ.
މިއީ ޝާހުއާއި އަނުޝްކާ އެކީގައި ފެންނާނެ 3 ވަނަ ފިލްމެވެ.
މީގެ ކުރިން އެ ދެ ތަރިން ކުޅެފައިވަނީ "ރަބް ނޭ ބަނާދީ ޖޯޅީ" އާއި "ޖަބް ތަކް ހެ ޖާން" އެވެ. އޮގަސްޓް 3 ވަނަ ދުވަހު އަރަބި ގައުމުތަކުގައި "ޖަބް ހެރީ މެޓް ސޭޖަލް" އަޅުވާއިރު އިންޑިއާގައި ރިލީޒްކުރާނީ އޮގަސްޓް 4 ގައެވެ.
މި ފިލްމުގެ ޝޫޓިން ކުރިއަށް ގެންގޮސްފައިވަނީ ޕްރާގް، އެމްސްޓެޑަމް، ވިއެނާ، ލިޒްބަން އަދި ބުޑަޕެސްޓްގައެވެ.
