އޭޝިޔާ ކަޕް ކްރިކެޓް މުބާރާތް ހުޅުވަން ކުޅުނު މެޗުގައި ނޭޕާލް އަތުން ޕާކިސްތާން މޮޅުވި މެޗުގައި ކެޕްޓަން ބަބަރް އަޒަމް 151 ލަނޑު ހަދައިފި އެވެ.
މި މެޗުން ޕާކިސްތާން މޮޅުވީ 238 ލަނޑުންނެވެ. 50 އޯވަރުގެ ތެރޭގައި އެ ޓީމުން ވަނީ ހަ ވިކެޓަށް 342 ލަނޑު ހަދައިފަ އެވެ. އަޒަމްގެ އިތުރުން ދެން އެންމެ ރަނގަޅަށް ކުޅުނީ 109 ލަނޑު ހެދި އިފްތިކާރު އަހުމަދެވެ.
ނޭޕާލުގެ ހުރިހާ ކުޅުންތެރިން ނުބައިވީ އެންމެ 23 އޯވަރުގެ ތެރޭގަ އެވެ. އެމީހުންނަށް ހެދުނީ 104 ލަނޑެވެ.
ޕާކިސްތާން ކެޕްޓަން މި މެޗުގައި ވަނީ 14 ފަހަރު ހަތަރަކަށް އަދި ހަތަރު ފަހަރު ހަޔަކަށް ބޯޅަ ފޮނުވާލައިފަ އެވެ. އިފްތިކާރު ވެސް ވެސް 11 ފަހަރު ހަތަރަކަށް އަދި ހަތަރު ފަހަރު ހަޔަކަށް ޖެހި އެވެ.
ޕާކިސްތާން ޓީމުން އެންމެ ރަނގަޅަށް އުކީ ހަތަރު ވިކްޓެނެގި ޝަދަބް ހާނެވެ.
ހަ ގައުމު ވާދަކުރާ އޭޝިޔާ ކަޕުގައި މި ދެ ގައުމުގެ އިތުރުން ގްރޫޕް އޭގައި އޮތީ އިންޑިޔާ އެވެ. ގަދަ ހަތަރަކަށްދާނީ ކޮންމެ ގްރޫޕަކުން ވެސް އެންމެ ގިނަ ޕޮއިންޓް ހޯދާ ދެ ޓީމެވެ.
