ކްލަބް މޯލްޑިވްސް ކްލެސިކްގެ ސެމީފައިނަލުން ޓީމް ޑީޖއޭއޭ އާއި ޓީއާރުސީ-ޓްރާންސްޕޯރޓް ޖާގަ ހޯދައިފިއެވެ.

ޓީމް ޑީޖޭއޭ ސެމީފައިނަލުން ޖާގަހޯދީ ކްއާޓަރ ފައިނަލްގައި 3-1 ން އެމްއެމްއޭ ސޯޝަލް ކްލަބް ބަލިކޮށްގެންނެވެ. ޑީޖޭއޭގެ ފުރަތަމަ ދެ ލަނޑު ޖެހީ މެޗުގެ މޮޅު ކުޅުންތެރިޔާ މުޙައްމަދު ޝަފްރާޒްއެވެ. ތިންވަނަ ލަނޑު ޖެހީ އަބުދުالله ރިމާހުއެވެ. އެމްއެމްއޭގެ ހަމައެކަނި ލަނޑު ޖެހީ މުހައްމަދު ފައިޒަމްއެވެ.

ޓީއާރުސީ- ޓްރާންސްޕޯރޓް ސެމީފައިނަލުން ޖާގަހޯދީ ޕެނަލްޓީގައި 7-6 ން އެޗްޕީއެސްއެން ބަލިކޮށްގެންނެވެ. އެއީ 3-3 ން މެޗުގެ ފުރިހަމަ ވަގުތު ހަމަވެ ނަތީޖާ ނެރުމަށްޖެހި ޕެނަލްޓީގައެވެ. މެޗުގެ ފުރިހަމަ ވަގުތުގައި ޓްރާންސްޕޯޓްގެ ތިން ލަނޑު ޖެހީ އަލީ މޫނިސްއާއި, މަޒުހަރު އަބުދުاللهއާއި, އަލީ އިބްރާހީމްއެވެ. އެޗްޕީއެސްއެންގެ ތިން ލަނޑު ޖެހީ އިޝާން އަބުދުالله އާއި, މުހައްމަދު ޝަހީމް އާއި, މުހައްމަދު ސޮލާހު އެވެ.

ސެމީފައިނަލްގެ ފަހު ދެ ޖާގަ ކަށަވަރުވާނީ ހުކުރު ދުވަހުގެރޭ ކުޅޭ ކްއާޓާ ފައިނަލް ދެ މެޗަށްފަހުއެވެ.

އެއިޓީން ތާޓީ ވިމެންސް ފުޓްސަލް ފިއެސްޓާގައި ޕޮލިސް ކްލަބް ބަލިކޮށް, ދިވެހި ސިފައިންގެ ކްލަބް ފުރަތަމަ މޮޅު ހޯދުމުން ސިފައިންނަށްވެސް ފައިނަލްގެ ދޮރު ހުޅުވި ވާދަވެރިކަން ވަނީ ބޮޑުވެފައެވެ. ސިފައިން މެޗު ކާމިޔާބުކުރީ 2-1 ނެވެ. ސިފައިންނަށް ލީޑް ނަގައިދިނީ މެޗުގެ މޮޅު ކުޅުންތެރިޔާ މައީޝާ އަބުދުލްހަންނާނުއެވެ. އެކަމަކު ޖެހިގެން އައި މިނިޓްގައި ފަދުވާ ޒާހިރު ލަނޑެއް ޖަހާ ނަތީޖާ ހަމަހަމަ ކުރިއެވެ. ސިފައިންނަށް ދެވަނަ ފަހަރަށް ކުރިހޯދައިދިނީ އައިމިނަތު ޒާހިޔާއެވެ.