މޫސުން ގޯސްވާނެ ކަމަށް ލަފާކުރެވޭތީ ފ.އަތޮޅުން އައްޑޫސިޓީ އަށް ހުދު ސަމާލު ނެރެފިއެވެ.
މޫސުމާޢި ބެހޭ ޤައުމީ އިދާރާއިން ހުދު ސަމާލު ނެރެފައި ވަނީ އާދިއްތަ ދުވަހުގެ ހެނދުނު 09:00 އިން ހަވީރު 04:00 އަށެވެ.
އެ އިދާރާއިން ވަނީ ފ.އަތޮޅުން ފެށިގެން އައްޑޫސިޓީގެ ރަށްތަކަށް ބޯކޮށް ވާރޭވެހުމާއި އެކު ގުގުރާނެ ކަމަށް ލަފާކޮށްފައެވެ.
Advertisement
އަދި ވިލާގަނޑުގައި ގަޑިއަކު 55 މޭލަށް ވައިގަދަވާނެ ކަމަށް ވަނީ ލަފާކޮށްފައެވެ.
މޫސުން ގޯސްވުމާއި ގުޅިގެން ރާއްޖޭގެ ބައެއް ހިސާބުތަކަށް ދަނީ އުދައިގެ އަސަރުކުރަމުންނެވެ.
އެގޮތުން މާލެ ސަރަަހައްދަށް އުދައިގެ އަސަރު ވަރަށް ބޮޑަށް ކުރަމުންދާތީ އެކަމަށް ސަމާލުވުމަށް އާއްމުންގެ ކިބައިން ކަމާއި ބެހޭ އިދާރާތަކުން ވަނީ އެދިފައެވެ.
