އަމީނީމަގު ސެގްމެންޓް 8 އަދި 9ގައި އޭބީސީ ފަށަލަ އެޅުމުގެ މަސައްކަތް ނިންމާލައިފިއެވެ.
އަމީނީ މަގުގެ މަސައްކަތް ކުރަމުންދާ ރޯޑް ޑިވެލޮޕްމެންޓް ކޯޕަރޭޝަން އާރްޑީސީން ބުނީ އަމީނީމަގު ސެގްމެންޓް 8 އަދި 9ގައި އޭބީސީ ފަށަލަ އެޅުމުގެ މަސައްކަތް ނިންމާލުމަށް ފަހު މިހާރު ކުރިއަށް ދަނީ ކޮމްޕެކްޓް ކުރުމުގެ މަސައްކަތް ކަމަށެވެ. އަދި ސެގްމެންޓް 9 ގައި ދުވާރުގެ މަސައްކަތާއި ހޮޅި އެޅުމުގެ މަސައްކަތް ކުރަމުން ދާ ކަމަށެވެ.
ޒަމާނީ ފެންވަރަށް އަމީނީ މަގު ތަރައްގީކުރުމުގެ މަސައްކަތްކުރަމުންދާއިރު އެ މަސައްކަތުގެ ބޮޑު ބައެއް މިހާރު ވަނީ ނިންމާފައެވެ. އާރްޑީސީން މީގެ ކުރިން ބުނީ ސްކޫލް ޗުއްޓީއަށް ފަހު ސްކޫލު ހުޅުވެންވާއިރަށް އަމީނީ މަގުގައި މިވަގުތު ކުރިއަށްގެންދާ މަސައްކަތް ނިންމާލުމަށް މަސައްކަތް ކުރަމުންދާ ކަމަށެވެ.
އަމީނީ މަގުގައި ގަވާއިދާ ޚިލާފަށް ޕާކު ކުރަމުންދާތީ، އެ މަގުގައި ގަވާއިދާ ޚިލާފަށް ޕާކުކުރާ އުޅަނދުތައް ޓޯކުރަން ފުލުހުން ވަނީ މި މަހުގެ ކުރީކޮޅު ފަށާފައެވެ. ގަވާއިދާއި ޚިލާފަށް އަމީނީ މަގުގައި ޕާކްކުރުމުގެ ސަބަބުން މަގުގެ ބޮޑު ޖާގައެއް ގެއްލި، ދުއްވާ މީހުންނާއި ހިނގާބިނގާވާ މީހުންނަށް ދަތިވާތީ ކަންބޮޑުވުން ފާޅުކުރެއެވެ.
