ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ހއ. މާރަންދުއަށް ވަޑައިގެންފިއެވެ.

ބުރާސްފަތި ދުވަހު ހެނދުނު ރައީސް އެ ރަށަށް ވަޑައިގެންނެވީ މިހާރު އެމަނިކުފާނު ކުރައްވާ ކެމްޕެއިން ދަތުރުފުޅުގެ ތެރެއިންނެވެ.

އެ ދަތުރުފުޅުގައި މީގެ ކުރިން ހއ. ހޯރަފުށި، ހއ. އުލިގަމް، ހއ. މޮޅަދޫ، ހއ. ތުރާކުނު އަދި ހއ. އިހަވަންދުއަށް ވަނީ ވަޑައިގެންފައެވެ.

މި ދަތުުފުޅުގައި އެމަނިކުފާނު އެ ރަށުގެ ކެމްޕެއިން ޖަގަހައެއް ހުޅުއްވައިދެއްވާނެއެވެ.

އަދި މާރަންދޫ ފެނަކަ އޮފީސް ހުޅުއްވައިދެއްވުމަށް ވަނީ ހަމަޖެހިފައެވެ.

މާރަންދުއަކީ 43.6 ހެކްޓަރުގެ ރަށެކެވެ. ރަށުގެ އާބާދީއަކީ 615އެވެ.