މިއަހަރު ޙައްޖަށް ވަޑައިގެންނެވި ވަފުދުގެ އެންމެ އިސްވެެރިންގެ ޝަރަފުގައި ބޭއްވެވި ބައްދަލުވުމެއްގައި ދިވެހިރާއްޖޭގެ އަމީރުލް ޙައްޖު ރައީސުލްޖުމްހޫރިއްޔާގެ ނާއިބު ފައިޞަލް ނަސީމް ބައިވެރިވެވަޑައިގެންފިއެވެ.

މިއީ ސައޫދީ ޢަރަބިއްޔާގެ ރަސްގެފާނުގެ ފަރާތްޕުޅުން ވަލީއަޙްދު މުޙައްމަދު ބިން ސަލްމާން، މި ވަފުދުގެ އެންމެ އިސްވެެރިންގެ ޝަރަފުގައި ބޭއްވެވި ބައްދަލުވުމެކެވެ.

މި ބައްދަލުވުން އޮތީ 29 ޖޫން ގައި، މިނާގައި ހުންނަ ރަސްގެފާނުގެ ރަސްމީ ގަނޑުވަރުގައިއެވެ. މި ބައްދަލުވުމުގެ ޙަވާސާގައި ރައީސުލްޖުމްހޫރިއްޔާގެ ނާއިބާއި ވަލީއަޙްދު މުޙައްމަދު ބިން ސަލްމާންވަނީ ދެ ޤައުމުގެ ދެމެދުގައި އޮތް ގާތް ގުޅުމާގުޅޭގޮތުން މަޝްވަރާކުރައްވާފައެވެ.